七級豬

七級豬係一類流行喺香港嘅啤牌遊戲統稱，源於一種被稱為Pig或Spoons嘅歐美傳統撲克遊戲，呢個名同玩法大約喺2010年代（或更早）起喺香港開始流行^[1][2][3]，亦有演變自衾棉胎嘅版本。

常見版本有兩大類。同各種啤牌遊戲一樣，規則細節上喺坊間演變出更多唔同嘅版本。

演變自Pig。

參與嘅人數最多為13人（可以加入另一副啤牌去增加人數，但很好可能做成混亂）。

首先，每人分派4張牌，將一張傳給下一位，同時從上一位攞到一張牌，目的係要令自己擁有四張相同嘅牌^[1][2]。當自己擁有四張相同嘅牌或看到其他人摸鼻嘅時候，自己就要摸鼻，最慢嘅會升為一級豬，再輸便為二級豬，直至七級豬為止^[1]。

將「豬」嘅規則，結合衾棉胎玩法。

首先，每人分派若干數目嘅啤牌，喺唔睇牌嘅情況下輪流出牌，出牌同時叫１，第二位出牌時叫２，如此類推，由１至ｋ，繼續循環。若果出嘅牌同所說嘅相同，各人立刻摸鼻，反應最慢嘅會被人稱為一級豬。

這個遊戲嘅特點就是，人能可以同豬講嘢，唔同級別嘅豬亦可以互相講嘢，咁樣低級嘅豬就會自動變成較高級豬嘅級數。例如若然有人回應了一級豬嘅說話，佢唔會成為一級豬；三級豬同一級豬講嘢，自己亦會變成一級豬。零級豬可以講嘢。但較高級豬可以向較低級豬或人講嘢（會降級）。

但對於「豬」嘅懲罰，也衍生出唔同版本，例如變為賭錢^[2]。

• 心臟病 (遊戲)

1. ↑ ^{1.0 1.1 1.2} 〈【POP10】派對必玩 十大桌上遊戲〉。《Metropop》。2019-10-17。原著喺2022-09-12歸檔。喺2022-09-12搵到。
2. ↑ ^{2.0 2.1 2.2} 〈拜年有咩做 6款新遊戲大人細路岩都玩〉。《雅虎香港》。2017-01-26。喺2022-09-12搵到。
3. ↑ 梁穎心 (2021-05-05)。〈全新酒Game+「狼人殺」啤牌登場 一次玩齊三種遊戲！朋友聚會/玩boardgame之選〉。U Lifestyle。喺2022-09-12搵到。