蠔

廣東話蠔同閩南話蚵仔或蠔仔（ô-á）（漢字作）^[1]都幾似，國語亦都叫牡蠣、海蠣子^{[未記出處或冇根據]}。蠔仔喺廣東話係講丁咁大（帶陰平聲）隻嘅蠔。

一打蠔含110卡路里^{[未記出處或冇根據]}，有唔少鐵、鈣同埋維他命A。據講食蠔有刺激嘅效果，佢含有豐富嘅鋅係比較科學嘅解釋^{[未記出處或冇根據]}。

生活喺海水或者鹹淡水交界，食浮游生物。

著名嘅品種有法國銅蠔、澳洲石蠔、太平洋蠔（原產東北亞，現引入美國華盛頓州）等。

香港流浮山亦以出蠔聞名。中國廣東就以寶安沙井蠔最出名。

• 生食，加檸檬汁、辣汁或者雞尾酒醬汁咁；喺法國、美國同埋中國大連成日見。

• 大連地方經常用喺火鍋度。
• 薑蔥焗
• 晒成蠔豉
• 蠔油
• 燒烤

• 蚵仔煎：蚵仔混合番薯粉、雞蛋、青菜所製成，係閩南、台灣出名小食。
• 蚵仔麵線：蚵仔裹太白粉後，加豬腸同埋麪線一齊煮，係閩南、台灣出名小食。
• 蚵仔酥：蚵仔裹地瓜粉或太白粉後，入鍋油炸，係閩南、台灣出名小食。
• 蠔餅：用蠔肉同埋麵粉整成圓形嘅油炸食品，福州風味小食。

• 煙燻同埋油炸（美國常用）
• 窮細路蠔三文治（Po' boy）喺美國嘅路易斯安娜州好出名。

蠔會生產出珍珠。

蠔殼磨光可以鋪窗門，燒成灰可以砌牆（澳門舊城牆遺址都係用佢起出嚟）。澳門有條村叫燒灰爐，名都係咁來。香港海下灣嘅石灰窯，用蠔殼燒灰，整來畀人起屋用^{[未記出處或冇根據]}。香港舊時唔少石灰廠做石灰，都係用蠔殼。

傳說喺五至八月唔適宜生食蠔，而事實上當時正值蠔嘅繁殖季節，肉質差啲，不過食咗唔會影響健康。英國國會亦立法保護。

澳門因為原產蠔，又叫「濠鏡」、「濠江」，之前叫「蠔」，因個名從「虫」，不雅，所以改名。澳門嘅產蠔業直到1980年代先衰落。

根據唐人劉恂喺《嶺表錄異》卷三記載：「蠔即牡蠣也。其初生海島邊，如拳而四面漸長，有高一二丈者，巉巖如山。每一房內，蠔肉一片，隨其所生，前後大小不等。每潮來，諸蠔皆開房，見人即合之。海夷盧亭往往以斧揳取殼，燒以烈火，蠔即啟房。挑取其肉，貯以小竹筐，赴墟市以易酒。肉大者，醃為炙；小者，炒食。肉中有滋味，食之即能壅腸胃。」

•  
  太平洋蠔 Crassostrea gigas
•  
  打開咗嘅蠔
•  
  碟上展示嘅生蠔
•  
  開蠔刀
•  
  法國銅蠔
•  
  法國養蠔場

• 英文維基書本：西式牡蠣食譜