相對濕度

  想搵收錄咗香港歌手鄭希怡嘅歌《相對濕度》嘅專輯嘅話，請睇少女蝶。

相對濕度（英文：relative humidity）係指單位體積空氣中，實際水蒸氣嘅分壓同相同溫度同埋體積下水飽和蒸氣壓嘅百分比。佢即係絕對濕度同最高濕度之間嘅比，佢個值顯示水蒸氣嘅飽和度有幾高。喺家陣嘅氣溫之下，空氣裏面嘅水分含量達至飽和，噉相對濕度就係100%。若果空氣嘅相對濕度超過咗100%，水蒸氣一般會凝結出水。隨住溫度升高，空氣可以包含嘅水就越多，換句話講，喺一樣咁多水蒸氣嘅情況下，溫度降低相對濕度就會升高。因此喺提供相對濕度嘅同時亦都要提供溫度嘅數據。通過最高濕度同溫度亦可以計得出露點。