Dirksland
Dirksland is 'n durp en voormaelige gemeênte op Goereê-Overflakkeê. Op 1 januaori 2023 ao ze 6.125 inweuners. Neast de oôdplekke leie aok de durpen Herken (Herkingen) en Melessant (Melissant) in de voormaelige gemeênte. Toet 1966 waeren Herken en Melessant eigen gemeênten. Op 1 jannewari 2013 is de gemeênte Dirksland op'eheve en op'ego op in de nieuwe gemeênte Goereê-Overflakkeê.
Dirksland is de plekke weer 't ziekenhuus van Flakkeê is. De waetertoren van Dirksland (vroeger die van Sommerdiek) is op een groôt deel van 't eiland te ziejene. Nae die van Emmeloord is dit de hoagste waetertoren van Nederland. Die van Dirksland is 62 meter hoage. Kraelingen wast 't deel van Dirksland wat dat bie de ouwe gemeênten Melessant en Sommerdiek horende. In de volksmond wier 't oak wel De Pit enoend. Vanaf 1966 viele de inweuners weer onger Dirksland.[1] Tegenwoordig word eigelek nie meer as aparte plekke 'ezieje.
Haevene
[bewerk | brontekst bewerken]Nae de Deltawêrreken is de haevene van Dirksland of'eslote. Hierover is 't volgende gedicht 'eschreve:
- "Dirksland, mit je vermoorde haeven
- Waer êêns de boeren al de gaeven
- Van der akkers hoa gebrocht,
- Waer schip naest schip een plekje zocht,
- Daer snuve noe de auto's langs.
- Waer volle boerewaegens gonge,
- De werkers an de horre stonge,
- Zitte ouwe mensen op een bank
- In aeseme benzinestank
- Want de auto's snuve langs.
- Allêên in Spuije is't nog druk,
- Daer vertrekke truck nae truck
- Mit vruchten van ons goeie land
- Allemaele nae de "overkant"
- Mar op 't durp, daer bluuft het stille,
- M'n zouwe 't wel wat levendiger wille."
Plae'ies
[bewerk | brontekst bewerken]-
Dirksland op een ouwe kopergravure
-
waetertoren
-
Meule De Eendracht
Gemeênteraed
[bewerk | brontekst bewerken]| Gemeênteraedszeêtels | |||||||||||||||
|---|---|---|---|---|---|---|---|---|---|---|---|---|---|---|---|
| Partij | 2010 | 2006 | 2002 | 1998 | |||||||||||
| SGP | 4 | 4 | 3 | 4 | |||||||||||
| PvdA | 2 | 3 | 2 | 2 | |||||||||||
| CU ¹ | 2 | 2 | 2 | 1 | |||||||||||
| VVD | 2 | 2 | 2 | 2 | |||||||||||
| Gemeentebelangen | 1 | 1 | 2 | 2 | |||||||||||
| CDA | 1 | 1 | 2 | 2 | |||||||||||
| Lijst-Huber | 1 | ||||||||||||||
| Totaol | 13 | 13 | 13 | 13 | |||||||||||
| Opkomst | 62% | 70% | 70% | 72% | |||||||||||
¹ In 1998 RPF
Geboren
[bewerk | brontekst bewerken]- Elco Brinkman, politicus (CDA)
- Richard Groenendijk, cabaratier
Noôten
[bewerk | brontekst bewerken]Lienks nae buten
[bewerk | brontekst bewerken]- Plaatsengids
- AlleCijfers (plekke)
- AlleCijfers (gemeênte)
