וויטאמין C

וויטאמין סי. איז וויכטיג פאר אסאך מינע באשעפענישען פון בהמות, חיות און אויך מענטשן און טייל פויגלען, טייל פיש. ווייל עס דינט אינעם קערפער ווי א געהילף צו אנדערע וויטאמינען, אריינגערעכנט וויטאמין עי, און וויטאמין אי. וועלכע זאפן זיך איין אין די פעטנס פונעם מענטש וואו עס קען שפעטער שאפן א באקטעריע. וויטאמין סי. העלפט אויך די אייראן (אייזן) וויטאמין עס זאל זיך גוט פארשפרייטן ווייל אייראן איז א שווערע וויטאמין און נישט יעדע קערפער קען דאס פארטראגן און עס וועט טייל מאל שאפן פראבלעמען מיט'ן פארדייאונגס סיסטעם.

נאך א וויכטיגע זאך וואס וויטאמין סי. העלפט אינעם קערפער איז די קאלעגן וועלכע איז א סארט סובסטאנץ וועלכע איז א פייבער וועלכע ליגט אין די פלייש, הויט, ביינער, ציינער, ליגעמאנטס, און געוויסע ארגאנען. וויטאמין סי. העלפט שטארקן די קאלעגן און גוט זיי עקסטערע ענערגיע צו קענען ביישטיין פראבלעמען וועלכע דער קערפער האט אויסצושטיין.

אויב דער קערפער מאנגעלט אין וויטאמין סי. איז מען אויסגעשטעלט צו די קראנקייט וועלכע רופט זיך סקורווי. די סארט קראנקייט איז זייער זעלטן היינט ווייל מען קען עס נאר באקומען דורך אלקהאל און היינטיגע וויינען נוצן נאר אויסגעארבעטע אלקהאל וועלכע איז ריין פון שמוץ און אנדערע שעדליכע זאכן. סקורווי איז זייער א שעדליכע קראנקייט וועלכע ברענגט אסאך בלוטונג, אפגעשוואכטע גאמס, שטערט דאס אויסהיילונג פון וואונדן, לאזט גרינג באקומען וואונדן, ווייטאג אין די דזשאוינטס, און נאך קלענערע פראבלעמען.

די סקורווי קראנקייט איז געווען פארשפרייט אין אייראפע בערך 300 יאר צוריק און א סקאטישער דאקטאר האט אויסגעטראפן אז פרישע גרינצייג קען העלפן פארמיידן דעם קראנקייט. די בריטישע ארמיי האט גענוצט דעם דאקטאר צו מאכן גרינצייג געטראנקן מיט וועלכע מען האט געפיטערט די סאלדאטן זיי צו באשיצן פון די קראנקייט. שפעטער האט זיך ארויסגעשטעלט אז די גרינצייג וועלכע זיי האבן גענוצט אין דעם געטראנק זענען געווען רייך אין וויטאמין סי. און דאס האט זיי געהאלפן ביישטיין די קרענק.

וויטאמין סי. געפינט זיך אין סיטרוס פרוכט ווי מאראנצן, לימענעס, גרייפפרוכט, און אין געוויסע גרינצייג ווי טאמאטען, גרינע פאפריקע, און קארטאפל. די אלע פרוכט אין גרינצייג זענען רייך אין וויטאמין סי. און אויב מען עסט אביסל פון זיי איז דאס גענוג וויטאמין סי. וואס דער קערפער דארף באקומען אין איין טאג.

וויטאמינען האבן א טבע אז עס וועפט אויס זייער שנעל און וויטאמין סי. איז דאס מערסטע אזוי. אויב מען וועט צעשניידן די פרוכט וועט די וויטאמין ארויסגיין. אויב מען וועט דאס לאזן ליגן וועט דאס אויך ארויסגיין און די זעלבע ווען מען קאכט דאס אדער מען ווייקט דאס אין וואסער.

די רעקאמענדירטע צאל וויטאמין סי. וואס דער קערפער דארף באקומען אין איין טאג איז צווישן 60 און 90 מיליגראם פער טאג. מענער דארפן האבן מער וויטאמין סי. ווי פרויען און די וואס רויכערן דארפן האבן 35 מיליגראם מער פער טאג וויבאלד די רויך וואס מען ציט אריין הרג'ט אפ די וויטאמין. א געזונטער מענטש וואס עסט נארמאל וועט באקומען אין זיין עסן ארום 72 מיליגראם וויטאמין סי. וועלכע איז איבער גענוג פאר זיין קערפער.

טייל וויטאמינען קענען שאטן אויב מען נעמט צופיל דערפון אבער וויטאמין סי. האט נישט דער פראבלעם און מען קען נעמען דערפון וויפיל מען וויל. דערפאר נעמען מענטשן וויטאמין סי. טאבלעטן כדי צו מאכן זיכער אז זיי באקומען די נויטיגע וויטאמינען וועלכע איז וויכטיג פאר'ן קערפער און העלפט אפשלאגן ווירוסן וועלכע מען כאפט איבער איינער פונעם צווייטן. א קאלד איז איינע פון די סארט ווירוסן וועלכע מען באקומט אפט און וויטאמין סי. קען העלפן דאס פארמיידן.

געוויסע דאקטוירים זאגן אז וויטאמין סי. קען העלפן אפשלאגן אדער פארמיידן די ביטערע מחלה קענסער. עס איז נאך נישט געהעריג פעסטגעשטעלט געווארן אויב עס איז טאקע אזוי אבער נאך אלץ לוינט זיך דאס צו נעמען ווייל עס שאדט דאך נישט און מען קען גארנישט דערלייגן. לויט זיי דארף דער מענטש האבן אסאך וויטאמין סי. צו קענען אפשלאגן די מחלה און זיי רעקאמענדירן מען זאל אייננעמען צווישן 10 און 12 גראם יעדן טאג.

דאקטוירים זענען צעטיילט אויב גאר אסאך פון די וויטאמין קען שאטן אדער נישט און רוב האלטן אז גאר אסאך קען יא שאטן. דערפאר איז אנגענומען מען זאל נישט נעמען מער ווי 2000 מיליגראם פער טאג.