რობერტ ფროსტი
| რობერტ ფროსტი | |
 რობერტ ფროსტი 1941 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ღურთუთა 29, 1963 (88 წანერი) |
| ღურაშ აბანი: |
ბოსტონი, მასაჩუსეტსი, ააშ |
| ერუანობა: | |
| საქვარუა: | |
| Magnum opus: |
|
| ნინა: | |
| ჯილდოეფი: |
პულიცერიშ პრემია პოეზიაშო (1924, 1931, 1937, 1943) |
|
| |
რობერტ ლი ფროსტი (ინგლ. Robert Lee Frost; დ. 26 მელახი, 1874, სან-ფრანცისკო, კალიფორნია, ააშ — ღ. 29 ღურთუთა, 1963, ბოსტონი, მასაჩუსეტსი, ააშ) — ამერიკალი პოეტი, ოთხიშა მიპალუ პულიცერიშ პრემია. ფროსტი მუში ლერსეფს, ოჩიებელო პოპულარული ნინათ ეთმოჭარუნს ახალი ინგლისიშ რეგიონიშ ოფუტეშ (სოფელი) ცხოვრებას დო უბრალო ადამიერეფიშ ირდღალურ რინას.
დებადჷ სან-ფრანცისკოს. ბაღანობას დიდა დო მუმაქ დუღურჷ. გურაფულენდჷ დართმუზიშ კოლეჯის. უკულ გურაფა გაგინძორჷ ჰარვარდიშ უნივერსიტეტის, ნამუთ ვაუთებუ. მუშენდჷ შხვადოშხვა პროფესიათ. ართი პერიოდის ფერმა ქიჸიდუ, სოდეთ ჩხორო წანას მუშენდჷ. უკულ ოგურუანდჷ ინგლისურს შხვადოშხვა სკოლეფს.
1912 წანას ფროსტიქ ოცხოვრებშა ბრიტანეთიშა მიდართჷ, სოდეთ გეჩინებაფუ გიშარჩქინელი პოეტეფი: ედვარდ ტომასი, ტომას ერნესტ ჰიუმი დო ეზრა პაუნდი.
ბრიტანეთის, 1913-1914 წანეფს გიშართჷ ფროსტიშ პოეტურ კათელეფქ "ბოშიშ ნება" დო "ბოსტონიშ ოორუეშე".
1915 წანას ფროსტიქ ამერიკაშა დირთჷ დო თექ გაგინძორჷ მუში ლიტერატურული კარიერა. ფროსტი რდჷ შხვადოშხვა პრესტიჟული ჯილდოეფიშ დო პრემიეფიშ ლაურეატი. მერჩქინელი რე მაეჩა ოშწანურაშ ართ-ართ შანულამ დო გოლინიან ამერიკალ პოეტო.
ლიტერატურა
[რედაქტირაფა | წყუშ რედაქტირაფა]- Pritchard, William H. (2000). "Frost's Life and Career".
რესურსეფი ინტერნეტის
[რედაქტირაფა | წყუშ რედაქტირაფა]- რობერტ ფროსტი ენციკლოპედია ბრიტანიკას
- რობერტ ფროსტიშ ნაჭარეფი პროექტი გუტენბერგის