苏州码子
苏州码子，也叫草码、花码、番仔码、商码。是中国古代民间使用个数字。渠脱胎于中国文化历史高头个算筹，也是唯一还来使用个算筹系统，产生勒中国苏州。现在勒港澳地区个街市、旧式茶餐厅搭仔中药房难般还好看着。[1]
| 数字 | 苏州码子 | 汉字数字 |
|---|---|---|
| 0 | 〇 | 零 |
| 1 | 〡 | 一 |
| 2 | 〢 | 二 |
| 3 | 〣 | 三 |
| 4 | 〤 | 四 |
| 5 | 〥 | 五 |
| 6 | 〦 | 六 |
| 7 | 〧 | 七 |
| 8 | 〨 | 八 |
| 9 | 〩 | 九 |
历史
[编辑]
苏州码子脱胎于中国文化历史浪个算筹，也是唯一还来畀使用个算筹系统。花码勒拉南宋个辰光从算筹分化而来。搭算筹一样，花码也是一种十进位制个计数系统。跟算筹弗同个是算筹通常用勒数学跟工程浪，花码通常用勒商业领域里向，主要用途是速记。
据《中国通史》第八卷、第五节《中国数码和零的符号》记载：“我国在商周时期已出现记数的符号，但在很长时期内并未形成一套完整的用于记数和演算的数码。至唐代才开始用数码记数，宋元时期逐步得到完善，其使用也更加普遍。”老法头个公文、契约、帐表、官帖、私钞、当票当中还有背书等所有涉及经济方面带有数字个文档中，经常会出现搿种特殊个组合数码，而且广泛用勒政治、经济、军事、商业、工业还有老百姓个生活等各个方面。阿末，伊畀阿拉伯数字取代。[2]
记数法
[编辑]苏州码子五到九，是来勒零到四丄各加一筆代表五个短豎。
| 數字 | 〇 | 一 | 二 | 三 | 四 | 五 | 六 | 七 | 八 | 九 |
|---|---|---|---|---|---|---|---|---|---|---|
| 花碼 | 〇 | 〡 一 |
〢 二 |
〣 三 |
〤 | 〥 | 〦 | 〧 | 〨 | 〩 |
| 算籌横式 | ||||||||||
| 算籌直式 |
苏州码子是十进位制记数系统，以位置表示大小。记数符号写成两行，头行记数值，二行记数量级搭单位。譬方如：
|
|
- 左边例子即“40.22元”。头行记载数目数值，“〤〇〢二”（〡〢〣连写要纵横交错以免认错脱）代表4022。二行记载数目数量级搭单位。
- 右边例子即“8500斤”。头行“〨〥”代表85，二行记数量级为千。
假使数量级是一，个末就省脱。计量单位是“毫”时，用“毛”字代替。譬方如：
|
|
- 左边例子即“34200元”，右边例子即“9.8毫”。
假使头行只有一隻数字，好拿数量级记拉右面；假使数量级为一，好拿计量单位直接记拉右面。譬方：
|
|
影响
[编辑]苏州码子个形成跟中国古代个算筹还有记数数码个演变有交关直接个关系。俚完全是由算筹——记数符号演变而来，到明代成为之完整统一个一种数码，再畀商业界作为暗码使用。到清末民初，广泛应用于民间，后来也畀用于官方。搿点从我伲今朝看到个旧时各种官私账本当中可以看出来，记账侪用苏州码子符号记录个。
苏州码子多用于以前个商业、手工业、当铺、金融业等一切经营活动跟生活中个数字记载、契约个签订还有账务个处理。苏州码子，是中国数字文化演变个产物，是阿拉伯数字勒中国广泛使用前个一种简便、快捷个记录数码，俚比汉语数目字简单好学，比汉语大写数字更加简便，所以好长期勒民间流行。随着阿拉伯数字普遍使用，作为中国发明使用个苏州码子，逐步退出历史舞台。
苏州码子也来勒江户时代传到日本，叫伊“阿兰陀符帐”（《算用万取集日记》），药商会得用着箇种数码。[3]
来勒琉球，苏州码子叫“苏州码”（すうちうま、スーチューマ），有个辰光也用汉字写成“琉球数碼”、“数籌碼“、”数珠碼”，主要用勒账簿里向。[4][5]1879年日本吞并琉球以後，苏州码用唻越来越少，反而来勒冲绳言话里向留下来隻表示“弗好理解个言话”、“写唻弗好看个文字”意思个“苏州码话”（スーチューマー グトゥ）。[4]
信息化
[编辑]Unicode编码
[编辑]苏州码子一到九个符号已经加入Unicode，字符码址从U+3021到U+3029。
| 数字 | 苏州码子 | 替代使用个汉字 | ||
|---|---|---|---|---|
| 字符 | 码址 | 字符 | 码址 | |
| 0 | 〇 | U+3007 | ||
| 1 | 〡 | U+3021 | 一 | U+4E00 |
| 2 | 〢 | U+3022 | 二 | U+4E8C |
| 3 | 〣 | U+3023 | 三 | U+4E09 |
| 4 | 〤 | U+3024 | ||
| 5 | 〥 | U+3025 | ||
| 6 | 〦 | U+3026 | ||
| 7 | 〧 | U+3027 | ||
| 8 | 〨 | U+3028 | ||
| 9 | 〩 | U+3029 | ||
苏州码子十、二十、三十後來也加进Unicode里向，必过因为旧版本弗支持显示，弗少辰光会得借用汉字。
| 数字 | 苏州码子 | 替代使用个汉字 | ||
|---|---|---|---|---|
| 字符 | 码址 | 字符 | 码址 | |
| 10 | 〸 | U+3038 | 十 | U+5341 |
| 20 | 〹 | U+3039 | 卄 | U+5344 |
| 30 | 〺 | U+303A | 卅 | U+5345 |
“杭州数字”
[编辑]苏州码子是Unicode1.1版本个辰光加进Unicode标准个，伊个辰光误认伊是杭州个。Unicode4.0版本个勘误表讲伊拉发现箇只问题[6]：
The Suzhou numerals (Chinese su1zhou1ma3zi) are special numeric forms used by traders to display the prices of goods. The use of "HANGZHOU" in the names is a misnomer.
Unicode标准文献中，所有关于“杭州”个错误侪改成“苏州”，但是为了稳定，Unicode弗允许对字符名称进行改变，故咾字符名称里向个“杭州数字”将错就错继续用[7]。
相关标准
[编辑]中国大陆个GB 2312标准未收录苏州码子相关个符号。GB 18030标准由于是一种Unicode变换格式，自然也收录Unicode里向同苏州码子相关个符号。
台湾个Big5、CNS 11643收录苏州码子里向个1到9、10、20、30，当中1到3是纵式。
参考文献
[编辑]- ↑ "《蘋果》直擊 茶餐廳收費「一國兩制」旅客貴港人六成". 蘋果日報. 2011-07-30. Retrieved 2011-08-01. "尖沙嘴一間茶餐廳以不同價錢收取不同類型顧客費用。給旅客看的餐牌以阿拉伯數字標價，價格比以傳統花碼標價給本地食客看的餐牌為高。"
- ↑ 畢, 志夫 (2010-02-02). 被遺忘的中國傳統文化"蘇州碼子". 河北省國家稅務局網站. 访问日脚2011-01-01.[链接坏脱]
- ↑ 城地茂; 劉伯雯; 張澔. 宋元明代数学書と「阿蘭陀符帳」：蘇州号碼の日本伝来. 数理解析研究所講究録. 2011, (1739): 128-137.
- ↑ 4.0 4.1 Silvia Tartarini. 古琉球における文字の導入・使用について. 桜美林論集. 2009-01-01, (36): 37-49 [2024-06-24].
- ↑ 漢字の現在 第248回 「琉球」の文字. 访问日脚2024-06-24.
- ↑ Freytag, Asmus; Rick McGowan and Ken Whistler (2006-05-08). UTN #27: Known anomalies in Unicode Character Names. Technical Notes. Unicode Consortium. 访问日脚2008-06-13.
- ↑ Name Stability. Unicode Character Encoding Stability Policy. Unicode Consortium (2008-02-28). 访问日脚2008-06-13.
外部链接
[编辑]
- 蘇州碼 － 阿拉伯數字轉換器档案，存勒互联网档案馆当中。（2014年10月31号）