五岳，又作五嶽，是中国五大名山个总称，分别为东岳山东个泰山、西岳陕西个华山、中岳河南个嵩山、北岳山西个恒山、南岳湖南个衡山，有些研究认为，“五岳”一词来源于中国个五行思想搭对山岳、山神个崇拜，传说盘古死后，头搭四肢化为五岳。虽然五岳弗是中国海拔顶高个山，必过伊拉立勒平原上，看起来邪气高大险峻，外加名人雅士个祭祀、作诗、修行、到访，大大增添五岳个声誉。
