太閤征朝

太閤征朝，（西班牙文：Invasiones japonesas de Corea 日文：文祿・慶長の役）是1592年到1598年當中，因為日本戰國梟雄豐臣秀吉个野心引發个一系列戰爭行為。1590年代開始辰光，基本彈壓各封建大名个天下人豐臣秀吉開始對東亞大陸產生野心搭願景。1592年，正式從自家个名護屋城基地，派遣交交關關大名个封建軍隊，出兵進攻朝鮮王朝，想拿朝鮮半島作為跳板，接下來，對大一統帝國明朝進行進攻。開始辰光，日本封建軍隊進展快速，弗過立在明朝派兵之後，因為各地朝鮮人个反抗搭補給跟弗上，開始吃力。到1593年，實質進入停戰階段。1597年，談判失敗，繼續開打。因為李舜臣等人立在海軍高頭讓日本人吃虧，箇趟也無大斬獲。弗過，明帝國个三路進軍也畀日軍擊潰。1598年，豐臣秀吉死脫，日本軍隊紛紛返回日本。戰爭結束。