Վիքիտվյալներ:Ներածություն

Եկեք ավելի մանրամասն դիտարկենք էջի սկզբում գրված նկարագրությունը՝

• Ազատ։ Վիքիտվյալներում տեղեկատվությունը հրապարակված է ազատ արտոնագրի ներքո, որը թույլ է տալիս առանց հատուկ թույլտվության, այդ տվյալներն օգտագործել տարբեր նպատակներով՝ կրկնօրինակել, փոփոխել, տարածել, լրացնել, անգամ օգտագործել կոմերցիոն նպատակներով:
• Համագործակցային: Տվյալները մուտքագրվում և պահվում են Վիքիտվյալների խմբագրողների կողմից, ովքեր և որոշում են բովանդակության մուտքագրման և կառավարման կանոնները: Բոտերը նույնպես կարող են համալրել Վիքիտվյալները։
• Բազմալեզու։ Տվյալների խմբագրումը, օգտագործումը, դիտումն ու կրկնակի օգտագործումն իրականացվում են տարբեր լեզուներով։ Որևէ լեզվով մուտքագրված տվյալներն անմիջապես հասանելի են դառնում բոլոր այլ լեզուներով։ Ցանկացած լեզվով խմբագրումը հնարավոր է և ողջունելի է։
• Երկրորդական տվյալների բազա։ Վիքիտվյալներում գրանցվում են ոչ միայն տեղեկություններ, այլ նաև դրանց աղբյուրները և այլ տվյալների բազաների հետ կապերը: Սա արտացոլում է հասանելի գիտելիքների բազմազանությունը և հաստատում ստուգելիության սկզբունքը։
• Կառուցվածքային տվյալների հավաքագրում: Բարձրակարգ կառուցվածքայնության ներդրումը, Վիքիմեդիա նախագծերին և երրորդ կողմերին, տվյալների հեշտ կրկնօգտագործման, իսկ համակարգիչներին դրանք մշակելու և “հասկանալու” հնարավորություն է տալիս:
• Աջակցություն Վիքիմեդիա վիքիներին: Վիքիտվյալներն օգնում է Վիքիպեդիային հեշտությամբ սպասարկել տեղեկաքարտերը և այլ լեզուներին հղումները, դրանով իսկ, որակը բարձրացնելուն զուգահեռ, նվազեցնել աշխատատարությունը: Թարմացումը մի լեզվում անմիջապես հասանելի է դառնում մյուս բոլոր լեզուներով:
• Յուրաքանչյուրն աշխարհում: Օգտագործելով Վիքիտվյալների կիրառական ծրագրավորման ինտերֆեյսը, յուրաքանչյուր ոք այն կարող է օգտագործել բազում տարբեր եղանակներով:

Վիքիտվյալները կենտրոնական շտեմարան է, որից կարող են օգտվել ուրիշները, օրինակ Վիքի քույր նախագծերը: Վիքիտվյալներից բեռնվող բովանդակությունը կարիք չկա պահել յուրաքանչյուր առանձին վիքի նախագծի համար: Օրինակ վիճակագրությունը, ամսաթվերը, տեղանքի կոորդինատները և այլ ընդհանուր տվյալներ կարող են կենտրոնացած լինել Վիքիտվյալներում:

Վիքիտվյալների շտեմարանը հիմնականում բաղկացած է տարրերից, որոնցից յուրաքանչյուրն ունի պիտակ, նկարագրություն և ցանկացած թվով այլ անուններ: Տարրերը միարժեքորեն նույնականացվում են Douglas Adams (Q42)-պրեֆիքսով և դրան հետևող թվով:

Գրառումները նկարագրում են տարրերի մանրամասն բնութագրերը և բաղկացած են հատկություններից և արժեքներից: Հատկությունները Վիքիտվյալներում ներկայացվում են P-պրեֆիքսով, որին հետևում է թիվ:

Անձի համար դուք կարող եք ավելացնել նրա սովորելու վայրը մատնանշող հատկություն, ներկայացնելով դպրոցը, որտեղ նա սովորել է։ Շենքերի համար կարող եք սահմանել աշխարհագրական կոորդինատները, նշելով երկայնության և լայնության արժեքները։ Հատկությունները կարող են նաև հղվել արտաքին տվյալների բազաների։ Հատկությունը, որ հղվում է արտաքին տվյալների բազայի տարրի, ինչպիսին է գրադարանների և արխիվների կողմից օգտագործվող լիազորության հսկողության արտաքին տվյալների բազան, կոչվում է նույնացուցիչ։ Տարրը Վիքիպեդիայի, Վիքիգրքերի և Վիքիքաղվածքների նման հաճախորդ վիքիների համապատասխան բովանդակությանը կապելու համար հատուկ հղումների տեսակ է օգտագործվում։

Այս բոլոր տեղեկությունները կարող են երևալ ցանկացած լեզվով, նույնիսկ եթե տվյալները ծագումով այլ լեզվից են։ Հաճախորդ վիքիները այս արժեքները վերցնելիս կունենան ամենավերջին տվյալները։

Վիքիտվյալների հասանելիության մի քանի եղանակ գոյություն ունի՝ ներդրված գործիքներ, արտաքին գործիքներ, կամ ծրագրային ինտերֆեյսներ։

Սկսելու համար որոշ հղումներ.

• Սահմանեք ձեր օգտագործողի ընտրանքները, հատկապես 'Babel' ընդլայնումը, ձեր լեզվական նախապատվությունները որոշելու համար:
• Օգնեք բացակայող պիտակների և նկարագրությունների հարցում
• Օգնեք միջլեզվային հակասությունների և սահմանափակման խախտումների հարցերում,
• Բարելավեք պատահական տարր։
• Օգնեք թարգմանել

Շարունակեք և սկսեք խմբագրել: Խմբագրելը Վիքիդատայի կառուցվածքի և հասկացությունների մասին սովորելու լավագույն միջոցն է: Եթե դու ուզում ես Վիքիդատայի հասկացությունների մասին նախորոք գաղափար կազմել, գուցե աչքի անցկացնեք օգնության էջերը: Եթե հարցեր ունեք, մի ամաչեք և հարցերը գրեք նախագծի զրուցարանում կամ կապի մեջ մտեք մշակող թիմի հետ:

• Help:Contents
• Wikidata:Glossary