Help:Aliases/hsb

It is proposed that this informational page become a policy or guideline. Please see the discussion on its talk page or the project chat. The following is a proposed Wikidata policy or guideline. The proposal may still be in development, under discussion, or in the process of gathering consensus for adoption.

This page in a nutshell: Aliasy su alternatiwne mjena, žane dalesposrědkowanja Jenož swójske mjena z wulkim pismikom pisać Bjer so na kedźbu z elementami, kotrež nastawki njejsu

Aliasy su alternatiwne mjena za elementy, kotrež dadźa so na samsne wašnje kaž pomjenowanja pytać. Kaž pomjenowanja su aliasy specifiske za rěč, ale na rozdźěl wot pomjenowanjow móže tak wjele aliasow być, kaž su trěbne. Wjacore elementy móža samsny alias měć, jeli maja rozdźělne wopisanja. Na rozdźěl wot pomjenowanjow a wopisanjow da so zapisk bjez aliasa za dospołny měć, dokelž někotre objekty su znate pod jenož jednym mjenom.

Pomjenowanje zapiska Wikidata je powšitkowne mjeno, pod kotrymž entita je znata čitarjam. Wšě druhe mjena, kotrež zapisk móže měć, kaž alternatiwne mjena, akronymy a skrótšenki a alternatiwne přełožki a transliteracije měli so jako aliasy zapisać. Jenož dokelž něšto je dalesposrědkowanje we Wikipediji to runjewon njerěka, zo je přihódne za alias Wikidata.

Měli so přeco zapřijeć:

• Dospołne mjena za ludźi, kotřiž su zwjetša znaći pod přimjenom abo dźělom jich dospołneho mjena (na přikład je wjele koparjow znate nimale bjez wuwzaća přez skrótšenku jich dospołneho mjena)
• Wědomostne mjena za družiny, chibazo družina nima powšitkowne mjeno a wědomostne mjeno tohodla je pomjenowanje
• Alternatiwny prawopis za cuze słowa, hdyž su wjacore transliteraciske systemy (na přikład so Pinyin kaž tež Wade-Giles wužiwatej, zo by chinske znamješka do jendźelskich pismikow transliterowało), ale jenož, jeli transliteraciski system so za datu rěč powšitkownje wužiwa
• Wersije elementow bjez Unicode, hdźež pomjenowanje Unicode wobsahuje (diakritiske znamješka a chemiske formle, kotrež maja hłuboko stajene znamješka, Unicode wužiwaja)

Njeměli so zapřijeć:

• Alternatiwne wulkopisanje (pytanska funkcija wulkopisanje njewužiwa, to potajkim žanu rólu njehraje)
• Zwučene prawopisne zmylki (pozdźišo budźe njewótre pytanje k dispoziciji stać, kotrež budźe z prawopisnymi zmylkami wobchadźeć)
• Nadpisma wotrězkow
• Ludźo abo objekty, kotrež nimaja swójsku relewancu, so wšak k nastawkej dale posrědkuja (na přikład bandowi čłonojo, kotřiž so k band dale posrědkuja abo produkty, kotrež k předewzeću dale posrědkuja, kotrež je produkuje)

Přikłady:

Pomjenowanje (label): Xavi
Wopisanje (description): Kopar ze Špniskeje
Alias: Xavier Hernández i Creus
Dospołne mjeno španiskeho koparja Xavi je Xavier Hernández i Creus, ale je lěpje znaty jako Xavi. Na Wikidata je Xavi pomjenowanje, mjeztym zo dospołne mjeno je alias.

Pomjenowanje (label): Ameriski law
Wopisanje (description): wotemrěta lawowa družina
Aliasy: Sewjeroameriski law, Naegolowy hoberski jaguar, ameriski prózdnjeńcowy law, Panthera leo atrox, P. atrox
Prěnje tři aliasy su zwučene alternatiwne mjena za ameriski law. Štwórty alias je wědomostne mjeno za družinu a pjaty alias je zwučena skrótšenka wědomostneho mjena.

Aliasy měli samsne prawidła wulkopisanja kaž pomjenowanja wužiwać, tak dołho kaž płaća. To rěka, zo so najwjace zapřijećow z wulkim pismikom započina, jenož swójske mjena měli so z wulkim pismikom započeć. Jeli alias swójske mjeno njeje, pomjenowanje wšak je swójske mjeno, móže so wulkopisanje wotchileć. W rědkich padach, hdyž so něšto z wotpohladom přećiwo prawidłam wulkopisanja přeńdźe, měło wulkopisanje na Wikidata to kaž pola pomjenowanjow wotbłyšćować a njeměło spytać to korigować.

Wikipedija wobsahuje rozdźělne typy stronow, kotrež nastawki njejsu, ale maja mjezyrěčne wotkazy. K tomu słušeja portale, předłohi, strony Wikipedijowych mjenowych rumow a specialne strony. We Wikidata wobsahuja zapiski, kotrež we hłownym mjenowym rumje njejsu, mjenowy rum, w kotrymž su, jako dźěl pomjenowanja. Jeli element je w mjenowym rumje MediaWiki, Předłoha, Pomoc abo Wikipedija, dyrbiš titul bjez mjenoweho ruma jako alias zapřijeć.

Přikłady:

Pomjenowanje (label): Wikipedia:Blocking policy
Wopisanje (description): prawidła Wikipedije za blokowanje kontow
Alias: Blokowanske prawidła
Jeli zapodawaš "Wikipedia:Blocking policy" do pytanskeho pola horjeka naprawo, budźe će direktnje k stronje "Blocking policy" we Wikipediji wjesć. Hinak prajene, njemóžeš nic jenož element we Wikidata namakać, ale by k URL "http://en.wikipedia.org/wiki/Blocking_policy" direktnje dale posrědkował (kotryž jako strona njeeksistuje). Z tuteje přičiny wužiwamy alias bjez prefiksa "Wikipedija:", zo by so pytanje wosnadniło.

Pomjenowanje (label): Help:Watching pages
Wopisanje (description): Strona pomocy Wikipedije, kotraž funkciju wobkedźbowankow wujasnja
Alias: Wobkedźbowanki
"Help:Watching pages" je strona we Wikipediji, ale mjenowy rum Help: so tež we Wikidata wužiwa. Jeli so něhdy strona pomocy z mjeno "Help:Watching pages" we Wikidata wutwori, hižo njeby móžno było, pytanske polo horjeka naprawo wužiwać, zo by stronu z mjezyrěčnymi wotkazami namakał, dokelž pytanske polo by će direktnje k strony pomocy we Wikidata wjedło. Z tuteje přičiny wužiwamy alias bjez prefiksa "Help:", zo bychmy pytanje wosnadnili.

• Wikidata:Glosar
• Help:Label
• Help:Description
• Help:Wuprajenja
• Help:Sydłowe wotkazy