Ekek

Ha mitolohiya hit Pilipinas, an Ekek (o Ek ek) kay may lawas hit tawo ngan may ada pakpak sugad hit tamsi. Nagsusudoy-sudoy iton hiya hit pagkakagab-i ha mga huron-huron para mamiling hin mga tawo nga panngangaunon. It ira pinakanaruruyagan nga parte hit lawas hit tawo kay unod ngan iton dugo. Masasabtan nga aada iton hiya kun mahihibatian an tunog nga 'ek-ek-ek'. Maaram gihapon an Ekek manguwat gamit iton iya tunog nga iya ginpapawara basi ha huna-huna hit mga tawo, waray na hiya hiton nga lugar.

May pagkakaparehos iton Ekek ha Wak wak ngan ha Manananggal tikang hit ira pagkakalupad kada naabot it kasisidman ngan it ira pag-ayon ha rasa hit mga katawhan.

It pagkakaiba hit Manananggal ha Ekek kay iton pagkakatunga it lawas hit Manananggal ugsa hiya makalupad. Iton ubos liwat nga katunga kay diri nakiwa kun ngain man ginbayaan.

Naayon liwat an Manananggal ngan an Ekek pamiling hit nanngangaturog nga mga burod. Gingagamit nira iton ira hilaba nga dila pasulod ha tiyan hiton burod para didto na mapatay an bata agi hit pagsupsop hiton dugo.

An pagkakaiba hiton Ekek ha Wak wak kay iton hitsura hit Ekek. May ada iton hiya tusak nga parehos hit tamsi, an Wak wak naman kay waray.^[1]

Usa ka turók ini nga barasahon. Dako it imo maibubulig ha Wikipedia pinaagi han pagparabong hini.

1. ↑ Mga Engkanto: A Bestiary of Filipino Fairies. Philippines: eLf ideas Publication. 2003.