Årtisse (vetrinaire)
On (ene) årtisse (on dit eto: on, ene vetrinaire[1]), c' est onk (ene) k' a-st on diplome d' årtisyince, et ki sogne les biesses. Sovint, il est a s' boûsse, tot seu, u dins en soce di deus, troes u dpus di parey(e)s a lu (leye). Mins i (ele) pout eto bouter po on patron u po l' Estat.
Istwere do mestî
candjîÅ cmince, les årtisses s' ocupént fok les biesses des cinses.
Å 19inme sieke, c' esteut bråmint po médyî les tchvås d' trait. Å 20inme sieke, les årtisses s' ont todi pus ocupé des vatches, et, avou l' arivêye des tracteurs, ça a stî leu mwaisse ovraedje. A costé, i sognént eto les pourceas, et les bedots.
Dins les anêyes 1950, gn a yeu todi dpus d' årtisses po sognî les tchéns et les tchets.
El Walonreye, c' est a pårti des anêyes 1980 k' i gn a yeu todi dpus di cmeres k' ont fwait veterinaires. A pårti des anêyes 2000, c' esteut mitan mitan. Les årtisses comeres polèt fé tos les mestîs, minme les grossès biesses.
Sôres di vetrinaires
candjîGn a eto des årtisses :
- ki scolèt les studiants dins les scoles veterinaires.
- ki fwaiynut des rcwerances dins les labos.
- ki boutèt po des firmes farmaceutikes, les firmes d' alimints po les biesses, evnd..
- k' ovrèt dins les ministeres (årtisses inspecteurs), dins les assurances, po les tribunås.
- ki travayèt a l' armêye (dinltins, po sognî les tchvås),
- ki boutèt dins les abatwers, po rwaitî al såvrité del tchå.
- ki sognèt les biesses des djårdéns zolodjikes.
Sicolaedje des studiants årtisses
candjîA l' intrêye del sicole veterinaire, les studiants årtisses passèt on fel bateme.
Hårdêye difoûtrinne
candjîEne pitite båshele ki vout divni årtisse des grossès biesses (sol tévé waloncåzante)
Pî-note
candjî- ↑ vètrinére (Jacques Desmet, vitèrinaîre (Eugène Gillain), vètèrinêre, vètèrinére