Dinrêye d' awousse

Ene dinrêye d' awousse (on dit eto: on dvere), c' est ene fenaesse k' on ahive dins les tchamps, et ki dene des grins.

Les dinrêyes polèt esse eto soyeyes ou fåtcheyes vetes po fé do fôraedje.

Foû del Walonreye, gn a des ôtes "dinrêyes d' awousse", come li riz.

Les dinrêyes ont cwate termenes dins les crexhince, après semaedje :

• li djetaedje : li grinne a dné ene djete ki rexhe foû d' tere.
• li stoclaedje : li pî del plante si pårtixh po dner deus troes montants (et des coôps dpus).
• li montaedje : li buk del plante monte foû des foyes.
• li påtaedje : li dzeu do buk dene ene påte, la k' les grins vont vni.

On fåtche les scwerons les prumîs, pu les oidjes, pu les frumints; les avoennes dimorèt les dirinnes.

Divinltins, on fåtchive al få; on radressive li bate, redjavler, pu loyî po fé des djåbes. On lzès dressive po fé des dijheas.

Avou les avoennes, on fjheut cobén des boshales.

C' est des dinrêyes k' on seme e moes d' octôbe.

• li swele
• li swele-frumint
• li frumint d' ivier
• li speate
• li scweron

C' est des dinrêyes k' on seme å moes d' måss.

• l' avoenne
• li oidje
• li frumint d' måss

• li flaxhaedje.
• li rouye.

I gn a so les cmons Wikipedia des imådjes ou fitchîs son a vey avou les dinrêyes d' awousse .