Meu

Meu (fr: Meux) c' est èn ancyin ptit ban del Walonreye, rebané avou Les Brouwires.

• Limero del posse: 5081 (vî limero 5854)
• Limero diyalectolodjike: Na 24
• Lomaedje des djins : les Meutis
• Sipotaedje des djins: les Godomes

Meu a ene sitindowe di 12,18 km². Si hôteur, å soû di l' eglijhe, est di 173 m. Li viyaedje est triviersé pal Mouhagne, et pal Waerixhet. D' ôte pårt, l' Ôrnô prind si sourdant a 800 m al nôr des Shijh Voyes a Meu et a Grand-Lé.

Li no di Meu vénreut di: Meulis (1241), ki vôreut dire molén e 1241; Moul (1145-1259); Meux (1207). Marsilis di Meux est cité e 1287; Meur e 1372. Ci mot pout fé sondjî å mot djermanike Moer (frexhåd); Moeux, dins les cårtes do Conte di Ferraris (Bas Payis Otrichyins, 1771-1778)

Gn ava des djins d' Meu po-z ebaguer eviè l' Wisconsin sol difén do 19inme sieke (ôtes viyaedjes k' ont evoyî leus djins).

• Bahotea (so plaece Bawtia, e F. Barotia);
• Sol Tidje (e F. Haut-Tige);
• Mouhagnoûle (so plaece Magnoûle, e F. Mehaignoul);
• Li Råcoû (so plaece au Rôcoû);
• Scléhåye (so plaece Sclé.âye, e F. Sclefhaie);
• Tripsêye (so plaece Trëpséye, e F. Tripsée);
• Li Waerixhet (so plaece a l' Ourchet).

• Låstaye (so plaece Laustaye);
• A l' åbe des Bayis.
• Les Batis;
• Les Beguenes;
• Les Shijh Voyes;
• Li Laid Paxhi (so plaece au Lêd Pachë);
• Dins les pårts.

• E 1895, i gn aveut 297 cinses; on ndè conteut pus k' 27 e 1977 al rebanaedje. Beacôp di cinses fijhèt todi pårteye del payizaedje agricole.
• Mouhagnoûle: cinse et tchestea, ki s' trovèt dins li lådje et påjhire valêye del Mouhagne. Ancyinne plaece d' ene signeurreye hôtinne avou Tripsêye et Matignêye, leyî e 1753 a Herman di Djamblinne, signeur di Meu et di Noveye. Cisse cinse est todi en alaedje.
• Tripseye : a pårt dins si tchamps ; gregne e long so basse castinne ki si poirtay sobaché èn harpes sont datés al clé "B/ANNO 1830". Cisse cinse est todi èn alaedje.
• Scléhåye : dins l' rowe ki poite si no, li gregne est datêye so pire å dzeu del poirtay nôrd "Gerome de Jamblinne ma posé l'an 1775". å dzeu del poirtay sud "Antoine de Jamblinne de Noville ma pose l'an 1775". Cisse cinse est todi en alaedje.
• Li Motte : dins li viyaedje, ancyin fî d' ene cinse avou paxhis, cortis et clôsreyes, k' esta adjudjé a Djean Honoré (relief di 1462). Nén lon, al pegnon del ancyinne cinse d'Al Sicaye, si trovèt so on lintå semi-cirkulaire è castinne, daté di 1464, avou les årmoireyes di Djean Honoré.
• Li Vi Råcoû : Apartineut è 1411 a Frankart d'Arracourt. Durant li revolucion di 1789, l'abé Labar i vént dire messe secretmint.
• Li cinse del Novea Råcoû, ki si trouve li lon del nåcionåle 912, est todi èn alaedje.
• Li cinse d'Å Baye, rowe Radelet, est todi tinowe ådjourdu.

I gn aveut ossu a Meu 3 moléns a vint : å Shijh Voyes, a Meu-Molin et asto li tchåsseye d' Inguezêye.

Accint do pårler walon d' Meu: li betchfessî én est prononcî bén naziålijhî (et nén "in" come a Nameur, portant tot astok).

Sicrijheu eyet rcwereu sol walon: Paul Gilles.