Metapedia

Cisse pådje ci n' est co k' on djermon, dj' ô bén k' el pådje est djusse sibåtcheye, eyet co trop tene ; et s' divreut ele ecråxhî ene miete. Si vos avoz des cnoxhances so ç' sudjet ci, vos nos ploz aidî, clitchîz sol loyén « candjî l' pådje » po radjouter des informåcions.

Metapedia, c' est ene eciclopedeye éndjolike al môde di Wikipedia. Metapedia a stî askepyî e 2007 på djonneas suwedwès.^[1]

Li logo do pordjet est veyåve so l' imådje a droete di l' årtike. On-z î pout vir ene tiesse d' ome. Metapedia a rprindou, pus u moens, ene sculteure da Arno Breker. Cist ome la, c' esteut on sculteu almand k' esteut dins l' NSDAP, dj' ô bén l' pårti politike d' Adolf Hitler. El no del sculteure, c' est « Jugend ».^[2]

Sol foto di droete, ådzo do no « Metapedia », gn a ene fråze. C' est l' spot del waibe. « Den alternativa encyklopedin » vout dire « L' eciclopedeye ôtruminte ».

Ciste eciclopedeye la est, al fén do moes di djun 2023, disponibe e saze lingaedjes.

Metapedia a puvite ene mwaijhe erlomêye, veyånmint k' c' est rwaitî télcôp, å mî, come ene waibe di foite droete.^[1] Houte di çoula, il est, afeye, rwaitî tot-z estant ene eciclopedeye recsisse.^[3]

Les varyistés inglès-cåzante eyet hongrwès-cåzante stantchnut bråmint di contnou conte les Djwifs k' el varyisté e suwedwès.^[4] Avou ça ki mwints mediyas, come CNN, rwaite cisse waibe la tot-z estant antidjudayisse.^[5]

1. On n' sait nén mete el waibe tot scrijhant cist årtike ci, pask' elle est dins el lisse des waibes blokêyes pa Wikipedia. Totfeye, ele dimeure co disponibe dins les ricwirreces.^[6]
2. « Ôtruminte », c' est on noûmot po ratourner l' idêye dirî l' mot « alternativa ».

1. ↑ ^1,0 et ^1,1 https://cafebabel.com/fr/article/lextreme-droite-soffre-une-seconde-jeunesse-sur-le-web-5ae00583f723b35a145deb0c/
2. ↑ https://d3utschem4rk.tumblr.com/post/666473759597871104/jugend-detail-by-arno-breker-prussian-1900
3. ↑ Arnstad, Henrik. (2015). Ikea Fascism: Metapedia and the Internationalization of Swedish Generic Fascism. Fascism. 4. 194-208. 10.1163/22116257-00402002.
4. ↑ Teitelbaum, B. R. (2017). Lions of the North: Sounds of the New Nordic Radical Nationalism. Oxford University Press.
5. ↑ https://edition.cnn.com/2013/10/18/opinion/goldhagen-anti-semitism-internet/index.html
6. ↑ https://www.google.com/search?client=firefox-b-d&q=metapedia