Dins des sôres di romances (live)
Dins des sôres di romances, c' est on mexhon d' arimés da Lorint Hendschel eplaidî amon l' editeu Tétras Lyre l' an 2020, dins l' rîlêye lomêye «De Wallonie».
Les powinmes sont scrîts e rfondou walon.
Contnou
[candjî | candjî l’ côde wiki]Li live rashonne des bokets saetchîs foû di sacwants ôtes mexhons d' arimés:
- Dins des mwins d' cenes (1989), publiyî dvant ça et dzo l' no Ridadje pal SLLW];
- Rén n' nos rtént/Rén n' nos ratind (1990), publiyî dvant ça pal SLLW;
- Li nute toûne (1991), publiyî dvant ça pal SLLW;
- Hapêyes (1992), publiyî dvant ça dins li rvowe «Les cahiers wallons»;
- Cénk pititès ôdes (1992), publiyî dvant ça dins li rvowe Les cahiers wallons;
- Dins des sôres di romances (2000), ki n'aveut måy sitî eplaidî dvant.
Egzimpes
[candjî | candjî l’ côde wiki]- Po pretchî l' ewaermint
Po pretchî l' ewaermint,
Dji m' frè cacaye,
Dji m' frè yoyo,
Dji m' frè cayô
Ezès grandès aiwêyes
Ki nourixhèt les niers di vosse divintrin vude.
Cwand c' est k' dji di «aiwêyes»,
C' est les cenes di vosse sonk.
Cwand c' est k' dji cåze di niers,
C' est les cis ki s' tinkièt
A môde di coide di viole e vosse badrike.
Et cwand dji di «cacaye»,
Et cwand dji di «yoyo»,
C' est l' cayô ki stoprè vos grossès cråssès voennes.
Ciste årgudinne,
Dji vôreu k' nos l' tchantréns
Po pretchî l' ewaermint
Eshonne tertos
Disca tant k' on soeye sôs
Li djoû k' dji srè cacaye,
Li djoû k' dji srè yoyo,
Li djoû k' dji toûnrè a cayô.[1]
Hårdêye difoûtrinne
[candjî | candjî l’ côde wiki]Prezintaedje sol waibe di l' eplaideu
Sourdant
[candjî | candjî l’ côde wiki]- ↑ p. 88; Mwaisse modêye sins coma, et avou des grandès letes djusse a l' atake des fråzes.