Grognon (Nameur)

Li Grognon, c' est l' plaece wice ki Sambe s' egoline dins Mouze a Nameur. On-z î a rtrové des traeces do vicaedje 6700 ans dvant Djezus-Cri.

Èn impôrtant monumint å Grognon, c' est l' ancyin Ospice Sint Djîle, k' est ouy li Pårlumint del Walonreye. Lucien Somme a scrît on roman qui cåze di ciste Ospice la : Li dierin des catîs, k' a rexhou e 2003.

E 1937, on-z î a metou on monumint lomé l' Fontinne Sambe et Mouze. Adlé, on-z a gravé dins l' pire on powinme da Émile Robin.

Li powinme, lomé « Sambe et Moûse » (e-n ortografeye Feller) :

Choûtez nosse Sambe tot l' long di s' coûse:

C'est l' tchant do fier èt do tchèrbon.

Choûtez l' clére êwe di nosse belle Moûse

Causer d'amour et dès nûtons.

Binaujes èt fiéres di leû bèsogne,

Asteûre v'là qu'èles si rabrèss'nut

Divant nosse vî "Grognon" qui grogne,

Djaloû dèl djôye qu'èlies si don'nut.

• 
  li gåtche pårt do monumint
• 
  li mîtrinne pårt do monumint
• 
  li droete pårt do monumint, avou l' powinme da Émile Robin

I gn a so les cmons Wikipedia des imådjes ou fitchîs son a vey avou Grognon (Nameur) .