Amerike bijhrece

Pol discramiaedje des årtikes avou l' mot « Amerike », loukîz cial.

L' Amerike bijhrece u Amerike do Nôr^[1], c' est les payis metous al Bijhe di l' Amerike.

Gn a cåzu po dire ki les Estats-Unis eyet l' Canada come dislaxhîs payis. Il î fåt radjouter l' Growenlande.

Gn a d' l' adire pol limotche inte l' Amerike bijhrece et l' Mîtrinne Amerike. Sacwants metnut l' Mecsike avou, des ôtes nén.

• 
  Lådje idêye di l' Amerike do Nôr
• 
  Sitroete idêye di Amerike do Nôr
• 
  Inte les deus, mins sins l' Growenlande

• Estats Unis
• Canada

L' inglès a divnou li lingaedje li pus pratiké totavå l' Amerike bijhrece, mågré ki l' francès (aprume å Kebek) et l' espagnol sont eto cåzés pa ene peclêye di djins.

Les lingaedjes indyins sont co pratikés, mins end a bråmint dtrop, et foirt diferins d' onk a l' ôte, po ndè fé on lingaedje d' avni.

Les abagants sont bråmint, et i mintnèt leus lingaedjes d' oridjine pacô so deus u troes djermêyes. Inte di zels, les Walons del Wisconsene.

1. ↑ Li Wikipedia inglès fwait ene diferince inte çou k’ i lomnut l’ "North America" (Amerike do Nôr) et "Northern America" (Amerike bijhrece). Por zels, l' Amerike do Nôr kimince å tchenå d' Panama.

I gn a so les cmons Wikipedia des imådjes ou fitchîs son a vey avou Amerike bijhrece .