Cråmignon

On cråmignon, c' est ene tchanson e walon ki s' tchante tot dansant avå les voyes, e s' dinant l' mwin. Li mouvmint des danse, c' est des crawiaedjes, did la li viebe «cråmignoner».

Les cråmignons sont diferins des brans.

Les cråmignons sont tipikes del veye di Lidje, et sacwants viyaedjes did ttåtoû, sortot å nôr come Hacou, Eben, Moulan o Eijsden è Hollande. On cråmignonéve sol dicåce, åtoû des barakes et des tchvås d' bwès.

Dins ç' payis la, on cråmignonéve come ça, sins aveur rén apresté, li djoû del fiesse del pårotche, disk' al fén do 19inme sieke.

Li tchanson, c' est des coplets avou foû ki deus royes, avou des longs vers, sovint des zandrins. Å coplet ki shût, on cmince pa rprinde deus côps li dierinne roye do ci di dvant. Li respleu, c' est eto ene fråze k' on rdit deus u troes côps. Sovint gn a ene peclêye di coplets, dijh et dpus.

Onk des pus rlomés cråmignons, c' est " L' avoz vs veyou passer ?" da Nicolas Defrecheux.

Ci sereut ene dujhance apoirtêye del France. Did la, les paroles e francès di mo vîs cråmignons. Mins elle a si bén rispité el Walonreye, ki bråmint des scrijheus walons endè scrijhît el deujhinme mitan do 19inme sieke. Gn ourit minme sacwantès bates del SLLW la k' on dmandéve di scrire des cråmignons.

• istwere po ls efants : Harbouya, Prindoz vosse baston Simon
• istwere d' amour : " L' avoz vs veyou passer ?"
• istwere mocresses d' ene sakî :
• istwere nén pikêye des viers

E 1913, gn ourit on cortedje avou des cråmignons did divinltins.

E 1930, pol cintinme aniversaire del Beldjike, on rifjha l' minme, mins avou des cråmignons di scrijheus e walon : Nicolas Defrexheux, come di djusse, mins eto Henri Baron, Toussaint Brahy, Joseph Vrindts, Joseph Closset (pere),

• Prindoz vosse baston, Simon (cråmignon)
• Harbouya
• Pôve moxhe
• Dj' a m' tabeur, mes clikes et mes clakes (cråmignon)

Pådje des cråmignons so l' Aberteke