Blåw toubak

Li blåw toubak, c' est ene plante ki crexhe come on ptit åbe, disk' a sacwants metes hôt, mins so on seu stok, nén a môde di bouxhon.

Sincieus no d' l' indje : Nicotiana glauca

Famile : Crompiracêyes

Ele dene des belès djaenes fleurs, come on longou doet d' want.

Les foyes sont blåwes so li dzo (did la, si no).

C' est ene plante foirt voltrûle. Elle est ene des prumirès plantes ki djete cwand on-z a rtourné des teres (po ene novele voye, on bastimint, evnd.). Ele vént inte les pires, so les hourleas, evnd. Eto, elle a stî eployeye come hayon po-z espaitchî l' evayixhmint på såvlon.

Ele vént di tos costés, la k' i fwait ene miete tchôd : Amerike nonnrece, Awayî, payis del Mîtrinne Mer.

Les biesses ki waidièt dins les campagnes avou l' plante dispu todi ni l' aduzèt nén.

Si ene åmaye u ene vatche k' a todi dmoré e ståve si dislaxhe, et arive dilé l' plante, elle endè pout magnî. Ele va crever assez raddimint après (kékès eures a sacwants djoûs).

• 
  Fleurs
• 
  Djonne plante, so on terén ki va esse basti
• 
  A Awayî, plantisse disconte do såvlon
• 
  Plante crexhowe agritcheye so les pires
• 
  Souwêyès grinnes

I gn a so les cmons Wikipedia des imådjes ou fitchîs son a vey avou l' blåw toubak .