vatche

Tayon-bodje latén « vacca » (minme sinse).

• AFE :
  • diferins prononçaedjes : /vat͡ʃ/ (minme prononçaedje cåzu pattavå)
    • (pa picårdijhaedje) /vak/
  • prononçaedje zero-cnoxheu : /vat͡ʃ/
• Ricepeures : nén rcepåve

vatche femrin

1. (no d’ biesse ås tetes) frumele des bovrins.
   • Nosse vatche aveut ene linwe houzêye et vni foû del gueuye — Louis Remacle (fråze rifondowe).
   • Les åbes, eyu çki dins l’ esté, les vatches si metèt a l’ ombe, les bouxhons, les hourêyes, tot çoula a candji avou l’ niût — Jean Fauconnier (fråze rifondowe).
   • I tnént ene pitite cinse : sacwants bounîs d’ pasteure, troes cwate vatches et ene dijhinne di bedêyes — Henry Matterne (fråze rifondowe).
   • Ses vatches estént télmint beles k’ i gn aveut po-z acertiner k’ elle estént pikêyes ås ormones — Chantal Denis (fråze rifondowe).
   • Diståvler les vatches, ça vout dire elzès mete ås tchamps.
   • C' est ene boune vatche å laecea.
   • Ele mode si vatche.
   • Cwand on dit ki l' vatche discrexhe, c' est k' ele ni dene pus ostant do laecea.
   • I s' tchåfnut avou des flates di vatche souwêyes.
   • Cwand les vatches si rashonnèt el waide, c' est k' i va ploure.
2. kimere ki s' kipoite må.
   • Ci n' est k' ene vatche.

• 
  vatche Blanc Bleu Walon al fôre a Libråmont
• 
  rodjès vatches laeçreces
• 
  vatche ostine ezès tchamps
• 
  rodjès vatches (Marok)
• vatches ki boerlêynut pask' on vént d' elzî prinde leu vea

1. prinde boû po vatche
2. ostant boû k’ vatche
3. on n’ distere nén les viyès vatches
4. on n’ cåze nén d’ ene floreye vatche s’ ele n’ a pont d’ taetches; u gn a pont d’ cabolêye vatche ki n’ åye des taetches; ou On n' divize djamåy d' ene floreye vatche s' ele n' a nén ene taetche; ou I gn a pont d' si bele vatche ki n' åye ene taetche: s' on-z anonce ene sacwè, c' est k' i gn a ene sacwè
5. cwand on vént då lon, les vatches ont todi des gros pés ou Pol ci ki vént d' å lon, les vatches ont todi des gros pés; ou Les vatches d' å lon dnèt todi bråmint do laecea: on pout todi prétinde ki c' est mî ôte på, puski nouk n' î såreut aler vey ké novele
6. C’ est l’ fi del feye del vatche ki tosse : response a onk ki vs dimande li no d’ ene djin, et k’ vos nd avoz d’ keure.
7. fé on sospir come on pet d’ vatche : somadjî foirt.
8. tourner a rén come el vatche Kernete: amwinri pår.
9. fé des iys come ene vatche ki ravize passer on trin : drovi des grands ouys.

   F. " écarquiller les yeux".

10. nén co po ene bleuwe vatche : jamwais, nén ddja po tot l' ôr do monde

    F. "même pas pour tout l'or du monde".

    • Èt pourtant, les djins n' ôrint nin co volu passer pa ç' tchumin la, nin co pou ène bleûwe vatche. — Gaston Lucy, Lès Grignous.
11. Å botchî, totes les vatches sont boûs; å taeneu, tos les boûs sont vatches.
12. Ci n' est nén l' vatche ki boele li pus foirt ki dene li pus d' laecea.
13. Nos crexhans come les cawes des vatches, après tere: on dvént vîs
14. Cwand c' est bon, on-z inme ostant vatche ki vea.
15. Cwand les vatches ervont dås tchamps, c' est l' pus bele ki rote padvant.: complumint å pus meritant
16. On lî cåze vatches, i respond boû. : i respond tofer a costé, di truviè
17. Pus ki l' vatche vout crever, pus k' ele si ctape. : c' est cwand totafwait va må k' on s' kitape li pus
18. C' est co pus råle k' ene bleuwe vatche.
19. Ostant mode ene vatche dins ene passete. : gn a nole avance, ça n' sieve a rén
20. S' on vos promet ene vatche, couroz radmint cweri l' loyén.: i n' fåt nén tårdjî cwand on-z a ene ocåzion
21. Ewou ki l' vatche met s' pî, i fwait bon mindjî. : on magne bén dins les cinses
22. Ene boune vatche, on va l' atchter å ståve.: po trover ene galante al lecsion, i fåt aler amon ses parints
23. Guere del vatche : guere e payis walon åtoû d’ Cînè, el Moyinådje, di cåze d’ ene vatche.
24. Maladeye des sotès vatches : sôre di maladeye nierveuse des vatches.

• vatchî, vatchlî
• vatchete
• vatche-e-vea, vatchot

• Pwelvatche
• vatche-et-veas
• martchand d’ vatches
• betråle di vatche : betråle po dner å bisteu (et nén po do souke). F. "betterave fourragère".

• vatche torleuse, torleuse
• vatche prumioûle
• vatche laeçrece tire di vatche di dene bråmint do laecea
• dineuse
• tchén d’ vatche: tchén ki wåde les vatches. F. "bouvier".

• bisteu
• rodjès biesses

vatche femrin

1. vatche (mot scrît e gåmès come e walon)