rider

Bodje tîxhon « riden » (rider sol glaece e Moyén-Neyerlandès), pal voye do vî lingaedje d’ oyi « rider » (minme sinse) avou l’ cawete di codjowaedje « -er » des viebes, adon racuzinåve avou l' neyerlandès « rijden ».

• AFE :
  • diferins prononçaedjes : /ʀi.ˈde/ /ʀi.ˈdɛ/ /ʀœ.ˈde/ /ʀi.ˈdiː/ /ʀi.ˈɡe/
  • prononçaedje zero-cnoxheu : /ʀi.ˈde/
• Ricepeures : ri·der

rider (v. sins coplemint)

1. endaler sins l' voleur, so ene plate sitindêye et manker d' toumer.
   • I gn aveut del waerglaece so les montêyes; dj' a ridé et dj' a bén manké di m' schåyî — Båze di dnêyes di l’ Årdene nonnrece (fråze rifondowe).
   • I court, i potche…, i ride so ene pire
     Et s' va stinde divins les broûlîs ! — Martin Lejeune, “ Œuvres lyriques du poète Martin Lejeune” p.153, « One surprîse » (fråze rifondowe).
   • Les gros fis des sinås n' ridént pus s' leus rôletes; I gn aveut del djivronde partot disk' a l' copete — Louis Piron (fråze rifondowe).
   • Pa des côps, gn aveut on tchvå ki s' riboltéve, d' aveur fwait on fås mouvmint, dins ene fåsse voye e bwès, u ciddé dins l' pådje, rider — Lucyin Mahin (fråze rifondowe).
   • Leye todi rider so ti schåfe les schåfes eyet les wagues vinowes d' ôte pårt, saiss — Lorint Hendschel, So l’ Anuti.
2. avancî esprès et doûcetmint viè l' bas.
   • On stinda l' moirt divins et, dvant ses eritîs
     K' el loukît ene dierinne feye, li covieke rida dsu
     — Henri Simon, "Li rvindje di l' åbe (fråze rifondowe).
3. (mot d’ djeu) avancî, esprès, po s' amuzer, sins waire lever les pîs, so ene plate sitindêye di glaece, on tobogan.
   • Tchaeke anêye, conte l' eclôs do schayteu, gn aveut todi ene grande fagne edjalêye et tos les efants î vnént rider — Maurice Georges (fråze rifondowe).
4. endaler tot doûçmint.
   • Essôrçulantès niûts d' Afrike,
     Dj' etind co l' ramuzante muzike
     Crexhe et frumjhî dins vo stoelî
     Cwand l' solea ridéve po s' coûtchî — Robert Mayence (fråze rarindjeye).
   • Les deux waxheas, ses måleurs di bele feme ki ride, li fjhént divni pus coixhe, pus mierseule, pus resserêye ki todi — Émile Lempereur (fråze rifondowe).
5. goter.
   • Les r’djèts dè l’leûne qui gôtît des coh’s, fît r’glati so s’vizèdje d’olifå, deux låmes — deux pièles — qui ridît douc’mint…— Joseph Mignolet, Li payis des soteas (1926), p.74.

• ride, ridant
• rideu, ridaedje
• ridåjhe, ridåde, ridoe
• ridea, ridele
• arider

• rider djus
• rider evoye

• (amuzmint): glissî
• (sacwè k' on tént bon) schiper
• (endaler tot doûçmint): si leyî goter
• (goter): arider, rider foû

Li francès «rider» n' a nén l' minme sinse.