cori

Tayon-bodje latén « cŭrrĕre » ‎(« currere ») (minme sinse); çou ki dene on mot avou l’ cawete d’ infinitif « -i » des viebes.

• AFE :
  • diferins prononçaedjes : /kɔ.ˈʀi/ /kɔ.ˈʀy/ /ku.ˈʀi/ /ku.ˈʀy/ (oyon O.OU)
  • prononçaedje zero-cnoxheu : /kɔ.ˈˈʀi/
• Ricepeures : co·ri

• 
  Djins ki corèt
• 
  Aiwe ki court

1. (v. sins coplemint) fé aler raddimint ses djambes, po-z aler pus vite, tot djåzant d’ djins et d’ biesses.
   • I court pus rade ki twè.
2. (v. sins coplemint) endaler sins sawè wice, tot djåzant di pinsêyes.
   • Cwand vént l’ alnute, et k’ e m’ coulêye li dseulance mi sieve di shuveu, dji leye cori totes mes pinsêyes ; mes pôvès pinsêyes di tuzeu. — Louis Lagauche (fråze rifondowe).
3. (v. sins coplemint) si kihiner, fé ene foice (tot djåzant d' on pexhon).
   • Dji tape on côp, tchouk ! I m’ betche, dji saetche, djel lai . Gruzale k’ esteut on pô pus lon acourt … […] c’ esteut on bårbea insi ! — Henri Simon, « Sètche, i bètche » 1889, (eplaidaedje da Jean Haust e 1936), p.34 (fråze rifondowe).
4. (v. sins coplemint) aler so valêye, tot djåzant d’ l’ aiwe, u d’ on likide.
   • Dj’ a l’ nez ki court et mes pîs ki sintèt : ça n’ mi va nén ; dj’ a l’ creva.
   • Divins les mwins d' ene metchante cåcarete,
     Mi cour plora.
     Ås pîs d' ene ôte po kî dj' åreu fwait ene brete,
     Si sonk cora. — Jean Bury, Joyeux rèspleus (1899), "Mi cour" (fråze rifondowe).
5. (v. sins coplemint) piede di l’ aiwe, tot djåzant d’ on plafoné meur, d’ ene måjhire di rotche ; piede si intche tot djåzant d’ on bik.
   • Gn a on croyon-bik k’ a corou dins m’ ploumî.
6. (v. sins coplemint) (mot d’ colebeu) fé avou dvins on concours.
   • I n’ estént nén contints, dai, la k’ dji mete mi bleu-bijhe ! Dj’ a si bén oyou l’ côp d’ sounete ! … Sortot Kinåve avou s’ fameus surlet ki n’ a co djamåy polou cori tot côp k’ dj’ a tapé m’ bleu… — Henri Simon, « Li bleû-bîhe » 1886, (eplaidaedje da Jean Haust e 1936), p.9 (fråze rifondowe).
7. (viebe å coplemint) (mot d’ colebeu) raveur on colon metou al tape pol constater.
   • Neni, i n’ a polou vni, i s’ aveut toirtchî l’ pî dimegne tot corant l’ surlet da Kinåve. On dit k’ end a pris po troes samwinnes, mins dj’ a pris li ptit crolé ; c’ e-st ene vraiye bizawe ! — Henri Simon, « Li bleû-bîhe » 1886, (eplaidaedje da Jean Haust e 1936), p. (fråze rifondowe).
8. (viebe å coplemint) roter so tos (les tchmins).
   • I court les voyes come haicheu.
   • Après aveur viké treus samwinnes e l' Årdene a cori les tiers e les vås— Louis Lagauche, "Prindoz vosse bordon" (1937), p. 33 (fråze rifondowe).
9. (v. å coplemint nén direk) cori après :
   1. cori po ratraper.
   2. aler vey totes (les femes), tos (les omes).
      • I court après les femes des ôtes.
10. ((viebe å prono)) dins les ratourneures si cori foû d’ lu u si cori les djambes foû do cou : cori rade.
    • Les deus vîs s’ corèt tot foû d’ zels sins saveur apicî l’ åwe. — François Duysinx (fråze rifondowe).
11. (v. sins djin) passer.
    • I court co portant on pô d’ air, dins l’ tcholeur, s’ on trouve ene boune plaece. — Maggy Frisée (fråze rifondowe).
12. (v. sins coplemint) passer tot djåzant do tins.
    • Pu les anêyes corît ; on n' si sovna pus d' l' åbe,
      Ca c' est a schipe si, d' tinzintins, la, tot gueriant
      Åtoû do feu, on vî ou l' ôte endè rdjåzéve…
      — Henri Simon, "Li rvindje di l' åbe" (fråze rifondowe).

1. cori come on live / cori come ene bixhe / cori come on disraté : cori rade.
2. cori buzete
3. dji t’ rårè sins cori : onk (ene) ki vs a djouwé ene kénte, et k’ årè co dandjî d’ vos.
4. sins lon cori u divant lon cori : bénrade.
5. cori on risse, cori on må : prinde on risse.
   • Dji n’ cour nou risse ki dji m’ fwaiye magnî.
   • On veyeut li graevî dzo l’ glaece,
     Et nolu ni coreut nou må— Joseph Vrindts, ”Vîx Lîge” (1901), p.7, “L’Hiviér” (fråze rifondowe).
6. dji n’ cour nén après : dji n’ inme nén d’ trop (èn amagnî).
7. a vs fé cori les voyes.
   • Et c' est dispoy, dj' è respond, dispoy,
     Ki, so nosse pôve monde, biesses et djins,
     Ont tertos des tchabotés dints,
     Et des doleurs a vs fé cori les voyes. — Joseph Vrindts, « Pâhûles rîmês » (1897), "Li mâx d'dints", p.77 (fråze rifondowe).

• coreu (coreuse, courresse), corant, coraedje
• corince, corî, courreye
• corater, coratreye
• ricori

(minme sourdant etimolodjike)

• coûsse, escourci
• concours
• corî

• cori evoye
• cori foû

• (piede di l’ aiwe, d’ on meur) : braire, goter, sûner
• (cori après les femes, les omes) : tourner åtoû

• corî (letes evoyeyes pal posse)