bråve

bråve omrin et femrin (come addjecif djondrece, todi metou padvant l’  no)

1. ki n’ fwait d’ må a nouk.
   • Kinåve e-st on bråve ome ki n’ comprind nén tos les côps ki vs tapez a Louwis. — Henri Simon, « Janète » 1911, (eplaidaedje da Jean Haust di 1936), p.113 (fråze rifondowe).
   • Pinsez, dj’ aveu leyî m’ feme disvoyî on bråve ome di curé. — José Schoovaerts (fråze rifondowe).
   • On byin bråve ome, way, et ki meritéve bén d’ esse veyou voltî. — Marcel Van Splunter, Emile Botaye (fråze rifondowe).
   • On bråve ome, li curé, ki tapéve voltî ene copene avou nost ome et afeye djouwer cénk royes avou lu. — Jean-Pierre Dumont (fråze rifondowe).
   • Les djins, les bråvès djins, Ki t’ voes l’ dimegne a messe ponre on franc dins l’ tchirlike Po s’ mostrer calotins å gros mwaisse del fabrike. — Willy Félix (fråze rifondowe).
   • Mes bråvès djins, Ravizez l’ aveule bonasse El dos rond come ene cloke, ene cloke. — Georges Willame (fråze rifondowe).
2. k’ a mo do coraedje.
3. (mocreçmint) djinti, mins soyant.
   • ADELE. -Trossîz vos guetes, bråve ome, nos n' avans nén l' tins do schoûter vos sotès dvizes !
     DJAN. -Po l' amour di Diu ! … — Joseph Mignolet, "Li vôye qui monte" (1933), p.35 (fråze rifondowe).

1. l’ eure des bråvès djins

• bråvmint
• bråvté, bråvisté

(minme sourdant etimolodjike) bråmint

(ki n’ fwait d’ må a nouk) : Loukîz a : « binamé »

Li mot dins on tite di live, di gazete, di soce, di marke

• On byin bråve ome : roman da Chantal Denis