Veroli

Veroli
Veroli binn'n de provinsje Frosinone
Regio	Lazio
Provinsje	Frosinone
Coördinoatn	41°41′NB 13°25′OL
Ippervlak	119,65 km²
Inweuners Bevolkiengsdichtheid	20.426 (2018) 170,71 inw./km²
Postcode	03029
Website	Officieeln site van Veroli

Veroli es en Italioansche gemêente in de provinsje Frosinone in de regio Lazio. 't Ligt ip de schreeve van de Latynsche Valleye (Valle Latina) o de zuudflank van de Centroale Oapenynn'n.

't Center van Veroli ligt ip 'n verôog in de Monti Ernici (die en ounderdêel zyn van de Latynsche Sub-Oapenynn'n) ip en ôogte van 594 mèiters. D'n ôogstn top ip't groundgebied van de gemêente es de Rocca di San Leucio die apeupri 800 mèiters ooge es.

Veroli grenst an de gemêentn Alatri, Balsorano (in de provinsje L'Aquila), Boville Ernica, Collepardo, Frosinone, Monte San Giovanni Campano, Morino (ôok in de provinsje L'Aquila), Ripi, San Vincenzo Valle Roveto (ôok in de provinsje L'Aquila), Sora en Torrice.

Deurda 't in ippervlakte e redelyk grôote gemêente es, ôorn by Veroli ôok zot vele gehuchtn/wykn (frazioni): Castelmassimo, Colleberardi, Colle Ciaffone, Cotropagno, Giglio di Veroli, Madonna della Vittoria, San Giuseppe le Prata, Santa Francesca, Sant'Angelo in villa, Scifelli, Aia le monache, Bagnara, Casamari, Case Cibba, Case Cocchi, Case Fiorini, Case Gattone, Case Palmerini-Oste, Case Pinciveri, Case Ricci, Case Scaccia, Case Sciascia, Case Volpi, Casino Spani, Castello, Chiarano, Colle Capito, Colle grosso, Colle Martino, Cona dei greci, Crescenzi, Crocifisso, Fontana Fratta, Gaude, Madonna degli Angeli, Madonna del pianto, Madonna di Foiano, Ponte Vasagalli, Puppari, San Cristoforo, San Filippo, Santa Maria Amaseno, Sant'Anna, San Vito, Speluca, Stere Mancini, Tondarella, Tor dei venti, Torre Caravicchia, Tretticatore, Vado Amaseno, Valle Amaseno, Vernieri en Virano.

• De cisterciënzer abdeye van Casamari uut de dertiende êeuwe es gebouwd in gothischn styl en ligt ip apeupri 10 kilomèiters o de zuudôostkantn van't center van Veroli.
• De Chiesa di Sant'Andrea apostolo es de vroegere katheedroale van Veroli en es nu e zogenoemde co-katheedroale van't bisdom Frosinone-Veroli-Ferentino. 't Uudige gebouw es ofgewerkt in d'achttiende êeuwe in barokstyl, mo d'n ôorsproung van de kerke dateert ol van de vierde êeuwe.
• De Santa Sàlome-bazilieke
• De Santa Maria di Reggimento-kerke
• De Piazza Mazzoli
• De Santa Croce-stadspôorte

• 
  Façoade van d'abdeyekerke van Casamari
• 
  De Sant'Andrea apostolo-kerke

Ofbeeldiengn die ier by passn ku je vien in de categorie Veroli van Wikimedia Commons.