Sigrette

Een sigrette es een rolleke toebak, dat tope g'houdn wordt door een bledje, een dun papierne kokerke. Der zyn grofweg twêe vormen woarin da je ze kut krygn: ol met filters grêedgemakt in e pakske (zukke sigrettn wordn kortweg filters genoemd) of ge kut de bledjes en den toebak apart kopen en ze zelve rolln (zukke sigrettn zyn stukkn goekôper en wordn rolsigrettn genoemd).

Ge moet een sigrette me vier ansteekn terwijl da je inoasemnt. De rôok (de smôor) komt in de loungn en gift oa. nicotine of an 't bloed woardoor da je een rustig en ountspannend gevoel krygt. Omdat er smôor vrykomt, noemn ze 't rôken van een sigrette e sigrette smôren, oloewel da smôren by de jeugd tegenwoordig mêestol ollêne vo 't smôren van ne joint gebruukt wordt.

Sigrettn zyn styf oungezond: ge kut er ounder andere longkanker van krygn. In 't begun van de 20e eeuw woarn de gevoarn nog nie zo goe gekend en smôordige verre olleman.

Het woord sigrette es van oorsproung 't Franse verklêenwoord van een sigarre, nen dikkern variant met mêer (en mêestol straffern-) toebak in.

Mêer ofbeeldiengn die ier by passn ku je vien ip Cigarette ip Wikimedia Commons.