Krieng Moroal en Filosofie

Krieng Moroal en Filosofie (KMF) is de faculteitskrieng voe d'ipleidiengn wiesbeheerte en moroalweetnschappn an de faculteit Lettern en Wiesbeheerte an d'Universiteit Hent. De krieng bestoat oender de koepel FaculteitenKonvent Hent.

Oewel verboendn an d'ipleidiengn wiesbeheerte en moroalweetnschappn is iedrèn stief welkom ip activiteitn van de studentnkrieng. De studentnkrieng orhaniseert hin studentikoos doopritueel.

De krieng werd iphericht ip de 19stn november 1985 deur Tom Claes. Da was e samenvoeginge van de vroehere twè facultaire kriengn aan de Blandin, Vlamsche Krieng voe Moroal en Filosofische krieng, die latstn oender Paul Willemarck. De krieng oentvangt studentn en orhaniseert evenementn helik leeziengn, debattn, fjistjes en café-avoendn. Ook bemiddelt de krieng ebitje 't coentact me filosofische, culturele en literaire activiteitn in Hent. Statutair viendt de krieng eur poletieke, relihieuze en filosofische neutraliteit stief belangrik.

De kleurn van de krieng zien roze en lichtblauw, 't symbool is de plattehroend van de Blandin woa dat de krieng thus is, surtout is ierin 't vliehende peird Pehasus of e stokpeirdje t'erkennn, 't trekt ip 't principe van e Rorschachtest.

D'ipleidinge moroalweetnschappn is uniek in de Vloanders, hebaseerd ip d'ideeën van Jaap Kruithof en Leo Apostel. Da is een disciplineeringe in de moroalfilosofie woarbie dat er e multidisciplinair en weetnschappelijk fundament voe de moroal gezocht wierd.Kring Moroal en Filosofie bluuft de fundamentn van die discipline vanut d'instellienge bevroahn en oet om deze reedn ton ook activiteitn met ethisch en moatschappelijk enhagement.

Ierip aanslutend et 't KMF em olsan inhezet voe interdisciplinariteit en wiesherig pluralisme, as achtergroend van e Hentse vriezinnihe en nie-heboendn instellienge.

Meirdere kis per academiejoar publiceert 't KMF e studentnmahazine, Van Stoffe Tot Peizn (VSTN) woabie da studentn schrievn oovr actuele wiesherige oenderwerpn. De voorhanger van 't mahazine was Dialoog, iphericht deur e poar studentn vanaf 1985-1989, in d'n tied als initiatief voe scriptie-oenderwerpen an te kondigen van studentn, studieverbluvn van oenderzoekers en wiesherige opstelln. Ahter 't joar 1994 zien der joarlikse uuthaven van Van Stoffe Tot Peizn me boekbespreekiengn, poëzie, kortverhaaln, essays en ol zukke diengn. Vanaf 2022 zien d'oede uuthavn digitoal beschikboar ip de website van bibliotheeke UHent en raadpleehboar voe betrokkenn an d'unief.

Heweunliks organiseert 't KMF joarliks meirdere activiteitn in 't koader van verspriedn van filosofie. Azo was 't er e leziengenreeks van studentn oovr under eihen wiesherig oenderzoek, "Anfang" henoamd. De krieng wilt em nie beperkn toet activiteitn voe studentn olleine, dovoorn zien leziengn ook toehankelijk voe heïnteresseerde derdn. Azo was 't er ip 5 mei 2021 e debat oovr ton recent overleedn hoogleroare Etienne Vermeersch en zien visie ip positivisme, deur wetenschapsfilosoofn Fons Dewulf en Maarten Boudry. In de heest van de vier filosoofn Leo Apostel, Jaap Kruithof, Etienne Vermeersch en Rudolf Boehm wil KMF 't moatshappelik debat bluvend doen oplaaien.

- Auw La, de Hentse studentnverenihienge voe poëzie- en toalfanaatn, wierd anvankelik iphericht vanut een evenement deur Siebrand en Krieng Moroal Filosofie in 2014. Vanaf 2015 is da een ip z'n eign stoande verenihienge an de Faculteit Lettern en Wiesbeheerte.

- Oewel da KMF hin doop orhaniseert, en ze wel e joarlikse cantus, hetiteld de Immanuel Kantus - e zinspeelienge hebaseerd ip de Dutsche filosoof Immanuel Kant. Traditioneel heziejn drienkn de leedn ip die cantus Cara Pils.

• Officiële website KMF
• Archief Dialoog (alleine mo beschikboar via bibliotheek UHent)
• Archief VSTN (alleine mo beschikboar via bibliotheek UHent)