Bonen

Bonen Boulogne-sur-Mer
Boonen in 't departement Nauw van Kales
Geografie
Regio	Hauts-de-France
Departement	Nauw van Kales
Arroundissement	Bonen
Kanton	Bonen-1 en Bonen-2
Coördinoatn	50°43′NB 1°36′OL
Ippervlak	8,42 km²
Inweuners
Inweuners Bevolkiengsdichtheid	42.366 (2015) 5032 inw./km²
Andere
Burgemêester	Frédéric Cuvillier
Postcode	62200
Webadres	Site van Bonen

Bonen (Frans: Boulogne-sur-Mer, Latyn: Gesoriacum of Bononia) is 'n stad in't Fransche departement Nauw van Kales die an den Opoalkust an't Iengels Kanoal ligt. 't Grenst an de gemêentn Wimeruwe, Wimille, Sint-Moartn by Bonen, Wabingen en Torbingem. D'inweuners van Bonen wordn Boulonnais genoemd.

Bonen was 't endpunt van de Romeinsn heirweg die in Keuln begost (de via Gesoriacum ad Colonia Agrippa). Toet an de Vrede van de Pyreneeën wos Bonen den ôofstad van't groafschap Bonen en makte dêel uut van de Spoansche Nederlandn. Oundanks de Vlamsklienkende name was de stad ol van de vêertiend' êeuwe Franssprekend.

• Den oudn stad, up de plekke woarda 't ôorsprounkelik Romeins kamp laag. Doar is ook 't belfort te viendn.
• Stadsmeurn en kastêel (mè 't stadsmuseum). Êen van de winnige platsn in Vrankryk woardan middelêeuwse fortifikoasjes nog oungeschondn zyn gebleevn.
• Zêecenter Nausicaä : aquariums, tentôonstelliengn over zêefauna en aquacultuur.

In Bonen vound 't êeste Esperanto-weireldcongres platse in 1905, in 't byzyn van zyn uprichter, Ludovich Zamenhof. In moarte 2005 vound er een grôte herdenkiengsbyêenkomste platse.

• 
  't Standbèld in Auguste Mariette, een egyptoloog
• 
  Porte des Dunes (pôorte in de stadsmeur)
• 
  Belfort
• 
  Ingang van 't kastêel

• Godfried van Bouillon (1061-1100), kruusvoarder, was meugeliks van Bonen
• Pierre Danou (1761-1840), historicus en politicus
• Charles Augustin Sainte-Beuve (1804-1869), schryver en criticus
• Guillaume Duchenne (1806-1875), uutviender van d' elektrotherapie
• Auguste Mariette (1821-1881), egyptoloog
• Ernest Hamy (1842-1908), anthropoloog en etholoog
• Georges Mathieu (1921), schilder
• Jean-Pierre Papin (1963), oud-voetboller, coach van RC Lens
• Philippe Brunel (1973), voetboller
• Franck Ribéry (1983), voetboller