Miloan-San Remo

Milaan-San Remo es een Italjoanse vélokoerse van het ôogste niveau. 't Es de êeste wielerklassieker van het joar.

Ie wierd ol gereedn van 1907 en zit ol an 106 edities. Ie weirdt ôok wel de Primavera genoemd, wa da de lente betêkent in het Italioans. Het es een koerse die lang is (bykans 300 km), redelik vlak me ip het einde een poar korte moar niddige euvels: de zogenoamde Capi gelik de Cipressa en Poggio. Milaan-San Remo weirdt mêestol ip êen van de volgende maniern gewonn: ofwel in ne massaspurt, ofwel deur een gesloagde ountsnappienge ip êen van de bergskes.

Eddy Merckx (7 kêers) en Roger De Vlaeminck (3 kêers) zyn redelik succesvol gewist in 't verleedn, moar voo de reste ein de Belgn nog nie teveel pottn gebrookn in Milaan-San Remo. De latste Belgische winnoars zyn Wout van Aert en Jasper Stuyven.