Heimolaižuz

Heimolaižuz om ristituiden kesksidod. Niiden aluz om augotižlibund ühthižes ezitataspäi.

• Vanhembad:
  • Tat (vai bat', iža)
  • Mam
• Lapsed:
  • Poig
  • Tütär
  • Illegitimižed lapsed:
    • Bastardad — valatoitajan personan illegitimižed lapsed
    • Morganatižed lapsed — lapsed, kudambad oma kut kunigahan/carin, ninga järgeline augotižlibund-ki

• Ded (vai dedoi) — tatan vai maman tat
• Bab (vai baboi) — tatan vai maman mam
• Lapsenlapsed:
  • Poiganpoig
  • Tütrenpoig
  • Poigantütär
  • Tütrentütär

• Ezided (vai ezidedoi) — dedan vai baban tat
• Ezibab (vai ezibaboi) — dedan vai baban mam
• Poiganpoigan poig/tütär
• Tütrenpoigan poig/tütär
• Poigantütren poig/tütär
• Tütrentütren poig/tütär

• Ezitat — amuine edelkävui sugun kal't
• Proband — ristit, kudambaspäi mäneb sugupu
• Jäl'gelaine
• Ezidedan/-baban ded/bab, ezidedan/-baban ezided/-bab i m. e. — ezitatad k+1-pol'ven päliči

• Vell':
  • Veik — vanhemb vell'
  • Noremb vell'
• Sizar:
  • Sestrii (vai čikoi, čeža) — vanhemb sizar
  • Noremb sizar
• Kaks'nikad
• Siblingad — velled da sizared, kudambad ei olgoi kaks'nikoid ičekesken

• Vellindam
• Sizarindam
• Dädänpoig (двоюродный брат по дяде), tädinpoig (двоюродный брат по тёте) i m. e. analogijan mödhe

• Däd — tatan vai maman vell'
• Tädi — tatan vai maman sizar
• Vellenpoig
• Vellentütär
• Sizarenpoig
• Sizarentütär

• Mužik
• Ak

• Ap' — mužikan vai akan tat
• Anop' — mužikan vai akan mam
• Kodimez' — poigan akan vai tütren mužikan tat
• Kodinaine — poigan akan vai tütren mužikan mam

• Küdu — mužikan vell'
• Nado — mužikan sizar
• Mill' — vellen vai poigan ak
• Šurjak — akan vell'
• Akansizar

• Vävu — tütren vai sizaren mužik
• Mind' — poigan, vellen, küdun vai šurjakan ak

• Oluh — mez', kudamb takaib naida
• Neičeine — naine, kudamb takaib lähtta mehele

• Svah — naine, kudamb tegeb sajan

• Drug, sudarušk — mez'/naine, kudamb om illegitimižiš kesksidoiš ičeze partnöranke; tobjimalaz kund hondostab mugomad kesksidod

• Svodnijad heimolaižed — vellindam, sizarindam
• Ižindam — maman mužik, no ei ole tatad
• Emindam — tatan ak, no ei ole mamad
• Poigindam — ižindaman akan vai emindaman mužikan poig
• Tütrindam — ižindaman akan vai emindaman mužikan tütär

Erased muštatišed oma ottud «Mi meles, se i keles»-kogodusespäi.^[1]

• Anoped ei ole, ka munad Äipäivän ei antkoi.
• Anopel om pit'k hambaz. (ei jäta muite)
• Anopespäi armastust, ku habaižes puspäi lämäd.
• Haugenpä — bobulin loun, ahvenanpä — anopen loun.
• Heimod om äi, söda ei kus.
• Hubaine — da tütär, a hüvä — da nado.
• Hüvä vävu, da harvemba kävu.
• Hüväd susedad pahaze heimho ed vajehta.
• Kanzata om paha elo.
• Ken kenenke eläb, se sen tedab-ki.
• Kodavävüks mända, kut sügüzel ägehšorpil magata.
• Ku mam om koirakaz, ka i tütar om hond.
• Meiden mind' linneb radon sijas.
• Paha nado ei anda lebaitas.
• Pohjoižtulleiš eile lämäd, emindamas eile mamad.
• Poig lajib — libu päčile, vävu lajib — kacu, kus uks' om.
• Poigas vähäd, tütres tühjad.
• Ühtes kašlišpäi oma langenuded. (heimolaižiš)
• Ühtes päiväižes hatrad kuivaziba. (edahaižen pol'ven heimolaižiš)

1. ↑ Mi meles, se i keles. Vepsläižed muštatišed (ladii om O. J. Žukova). — Petroskoi: «Periodika», 2018. — 96 lp. ISBN 978-5-88170-307-3 (veps.) (ven.)