Ermitaž

Valdkundaline Ermitaž (ven.: Государственный Эрмитаж) om muzei Piteriš. Se om kaikiš suremb Venämas da üks' kaikiš surembiš muzejišpäi mail'mas.

Viž sauvust sijadasoiš Pert'kulun randirdal, tulend — Pert'kulun torguspäi. 5,3 mln kacujid tuli muzejha vodes 2016.

Sur' Jekaterina pani Ermitažan alust vl 1764. Ezmäi se oli hänen privatine keraduz. Ermitaž om avaitud publikan täht vspäi 1854.

Viž sauvust mülüb Ermitažan muzejankompleksha:

• Tal'veline Pert'kulu (1754−1762), arhitektor — F. B. Rastrelli
• Pen' Ermitaž (1764−1775), arhitektorad — Ž. B. Vallen-Delamot, J. M. Fel'ten, V. P. Stasov

Penen Ermitažan kompleksha mülüdas Pohjoiž- da Suvipavil'jonad i tetab Rippui sad:

• Sur' Ermitaž (1771−1787), arhitektor — J.M. Fel'ten
• Uz' Ermitaž (1842−1851), arhitektorad — Leo fon Klence, V.P. Stasov, N.J. Jefimov
• Ermitažan teatr (1783−1787), arhitektor — Dž. Kvarengi

Mülüdas Ermitažan sauvusiden kompleksha mugažo:

• Tal'veližen pert'kulun Varakodi (1877−1878)
• Ermitažine garaž (1911), arhitektor — N. I. Kramskoi

Ermitaž-muzei ozutab eksponatoid eriližiš kaikenaigaižiš honusiš mail'madme, ned oma severziš-se lidnoiš: Kazan' (vspäi 2005), Amsterdam (2009), Viipur (2010).

• Ermitaž-muzejan oficialine sait (hermitagemuseum.org). (ven.) (angl.)
• Ermitažan sferanvuiččed panoramad panoramas.classic-ru.org-saital. (angl.) (ven.)
• Kuviden reprodukcijad agniart.ru-saital.

Ermitaž Vikiaitas