Dobrič

Dobrič
Добрич

Lidnanznam
Valdkund	Bolgarii
Eläjiden lugu (2016)	90,953 ristitud
Pind	109,02 km²
Pämez'	Jordan Jordanov (2015—)
Telefonkod	+359−58
Aigvö	tal'vel UTC+2, kezal UTC+3

Dobrič (bolg.: Добрич) om lidn Bolgarijan pohjoižpäivnouzmas. Se om Dobričun agjan administrativine keskuz.

Eziauguižen eländpunktan aluz oli Ezmäižen Bolgarijan car'kundan aigan (10. voz'sada), pečenegad paniba sidä mantazole 11. voz'sadal. Nügüdläine eländpunkt om olmas 16. voz'sadaspäi, ezmäi kuti Kuruskelä-külä, sid' turkan Hadžioglu-Pazardžik-lidn. Vl 1882 udesnimitihe Dobrič:uks. Vll 1916−1940 lidnan nimituz oli Bazaržik Romanijan palaks. Vll 1949−1990 nimitihe Tolbuhin:aks.

Dobrič šingotase erazvuiččel sömtegimištol, omblendal i kengiden tehmižel.

Lidn sijadase 225 m ü.m.t. keskmäižel korktusel. Matkad Sofii-pälidnhasai om 380 km päivlaskmha orhal vai 480 km avtotedme. Sadas jondvet mareiguišpäi i lähižiš vezivaradimišpäi. Lähembaine järed lidn da meriport om Varn 50 km suvhe avtotedme.

Klimat om subtropine kuivahk. Heinkun i elokun lämuz om +24,2 C°, vilukun +1,2 C°, voden keskmäine lämuz om +13,2 C°. Paneb sadegid 537 mm vodes, läz tazomäras sezonidme, 35..56 mm kus.

Vl 2011 eläjiden lugu oli 91 030 ristitud. Kaikiš suremb lidnan ristitišt oli 116 066 ristitud vl 1991.

Rahvahad (lidnan eläjad, enamba 0,4% vl 2011): bolgarijalaižed — 80,9%, turkad — 7,5%, čiganalaižed — 2,7%, toižed rahvahad — 0,6%, rahvahuden ozutandata — 8,3%.

• Adriana Budevskaja (1878−1955) — Bolgarijan rahvahan aktris.
• Dora Gabe (1886−1983) — bolgarine runokirjutai naine.
• Preslava (sünd. 1984) — Bolgarijan pajatai popfolk-stiliš.

• Dobrič-kundan ohjastusen oficialine sait (dobrich.bg). (bolg.) (angl.)

Dobrič Vikiaitas