Can't Get You Out of My Head

Can't Get You Out of My Head («En voi heitta sindai minun päspäi») om avstraližen Kaili Minoug-pajatajan nellänz' pajo kahesandes «Fever»-studijanal'bomas (2001) i sen-žo voden ühtennimine singl, ezmäine al'bomaspäi. Originaline pajo om pästtud vn 2001 8. päiväl sügüz'kud, mülüb denspop- i elektropop-stilihe.

Pajon tekst om anglijan kelel^[1]. Tekstan i muzikan sädajad oma Keti Dennis i Rob Devis, hö-žo oma singlan prodüserad. Singl om änetadud Devisan kodistudijas Anglijan Surrei-grafkundas (Sur' Britanii).

Pajo sai mail'man satust. Vl 2001 möihe singlan nell' millionad kopijoid (vodele 2018 viž millionad), platinstatusanke Avstralijas (koumašti), Sures Britanijas, Saksanmas, Francijas. Pajo saihe ezmäižhe sijhasai Avstralijan i Evropan hitparadoiš.

Videoklip pajole sai nominacijad «Parahim kargvideo»-kategorijas MTV Video Music Awards 2002-konkursan ceremonijal. Klipan Maikl Runi-horeograf sai arvlahjad parahimas horeografijas.

Homaičendad

↑ Kylie Minogue – Can't Get You Out of My Head: a damnably danceable hit (Kaili Minoug: «Can't Get You Out of My Head» om luja karghit) // 29. heinku 2014. — Theguardian.com.

Irdkosketused

«Can't Get You Out of My Head»-pajon oficaline videoklip Youtube.com-saital.

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.

[1] Kylie Minogue – Can't Get You Out of My Head: a damnably danceable hit (Kaili Minoug: «Can't Get You Out of My Head» om luja karghit) // 29. heinku 2014. — Theguardian.com.

[1]