Agriz

Agriz
Агрыз (ven.)
Әгерҗе (tot.)

Valdkund	Venäma
Eläjiden lugu (2023)	19,860 ristitud
Pind	8,6 km²
Pämez'	Lenar Nurgajanov (reduku 2023—)
Telefonkod	+7−85 551-xx-xxx
Avtokod	16, 116, 716
Aigvö	UTC+3 (MSK+0)

Agriz (tot.: Әгерҗе / Ägerce, ven.: Агры́з, mugažo nitmarin kelel, udm.: Огырчи) om Venäman lidn da lidnankund Tatarstanan Tazovaldkundan pohjoižpäivnouzmas. Se om Agrizan rajonan administrativine keskuz (vspäi 1927).

Eländpunkt mainitase ezmäižen kerdan vl 1646. Kätihe radnikžiloks vl 1928. Žilo sai lidnan statusad vn 1938 28. päiväl elokud.

Agrizan ižandusen sarakod oma sömtegimišt (kaks' leibänkombinatad, maidkombinat), sauvondmaterialiden pästand, mecan ümbriradmine, mugažo raudtedepo om saudud lidnas.

Lidn sijadase Agrizk-jogen randal (tot.: Әгерҗе, ven.: Агры́зка, udm.: Огырчи 32 km pitte, Iž-jogen oiged ližajogi, Kaman i Volgan bassein), 90 m ü.m.t. keskmäižel korktusel, ani Udmurtijan röunanno.

Matkad Kazanihesai om 330 km päivlaskmha, Iževskhasai — 36 km pohjoižhe. Agriz-raudtestancii om olmas vspäi 1919, «Iževsk — Jarčalli»- i «Kazan' — Jekaterinburg»-raudtejonod ristikoittas lidnas.

Agriz om lidnankundan üks'jäižeks eländpunktaks.

Lidnankundan tobmuden pämez' om sen Nevondkundan ezimez'. Edeline lidnan nevondkundan ezimez' om Farit Gabbasov (semendku 2008 — heinku 2023). Lidnan Radonoigendajan komitetan ohjandai om Il'nar Gizzatullin vn 2024 heinkuspäi. Edeližed komitetan ohjandajad oma Lilija Šaripova (Лилия Шарипова, vn 2024 uhoku-heinku), Rafael' Nijazov (keväz'ku 2022 — viluku 2024), Anvar Rahmatulin (eloku 2018 — reduku 2021).

Vn 2010 kaiken Venäman rahvahanlugemižen mödhe lidnan eläjiden lugu oli 19 300 ristitud, vn 2021 — 19 991 ristitud. Kaik 19 704 eläjad oli lidnas vl 2017. Kaikiš suremb lidnan ristitišt oli 20 270 eläjad vl 1959, sil aigalpäi vajehtase 18..20 tuh. ristituid röunoiš.

Rahvahad (ozutadud rahvahudenke vl 2010): totarlaižed — 59 %, venälaižed — 25 %, marilaižed — 8 %, udmurtalaižed — 6 %, toižed rahvahad — 2 %.

Islaman kaks' mečetid oma saudud da avaitud: «Hasan» i «Nur». Ortodoksižen hristanuskondan kaks' jumalanpertid^[1] oma saudud: ph. Sergii Radonežalaižen jumalanpert' (om letud vll 2005−2008) i Sündun Eläbzdusen loičendpert' (1995, om sauptud jumalanpertin sauvondan jäl'ghe).

Lapsiden opendusen aluzkundad oma seičeme päivkodid (nomer 1, 4..9), gimnazii (nomer 1), koume keskškolad (nomer 2, 3, 4), škol-internat lapsiden täht tervhuden röunatud voimusidenke, lapsiden sädamižen Raduga talantov-pert' («lahjakahiden jumalanbembel'»), čomamahtoiden škol, rajonan sportškol. Nižnekamskan agrariž-tegimištoližen kolledžan filial nomer kaks'^[2] om lidnan professionaližen opendusen aluzkundaks.

• 
  Vezičuhunduz Vokzal'nai-irdal (2020)
• 
  Rusttan Armijan 106 sodamehen velleskaum Vokzal'nai-irdal, vn 2020 nägu
• 
  Vedimdepo vl 2020
• 
  Raudtestancijan ühthine nägu (2011)
• 
  Agriz-päraudtestancijan sauvuz vl 2011

1. ↑ Agrizan pühäpertid sobory.ru-saital. (ven.)
2. ↑ Nižnekamskan agrariž-tegimištoližen kolledžan filial Agriz-lidnas edu.tatar.ru-saital. (ven.)

• Lidnan da Agrizan rajonan oficialine sait Tatarstanan Tazovaldkundan tobmuden portalal (agryz.tatarstan.ru). (ven.) (tot.)

Agriz Vikiaitas