6 de agosto

El 6 de agosto el ze el 218° dì dal scumìsio de l'ano drio del całendàrio gregorian e el 219° inte i ani bizesti. Par rivar al cao de l'ano ghe vołe oncora 147 dì.

• 686 – Vitòria de Ibrahim ibn al-Ashtar sul fiume Khāzir (Iraq) e morte del Wali de Kufa, ʿUbayd Allāh ibn Ziyād
• 1538 – Gonzalo Jiménez de Quesada el fonda ła sità de Bogotà
• 1657 – Inte ła guera contro l'Inpero spagnoło de Fiłipo IV d'Asburgo, I fransezi de Luizi XIV i concuista Montmédy nei Paezi Basi spagnołi
• 1791 – A Berlin ła vien verzesta al tràfego ła Porta de Brandeburgo
• 1806 – Cesco II, ùltemo Sacro Roman inperatore, el ze costrenzesto da Napołeon I a l'abdegasion, restando solché inperatore d'Austria – ła ze ła fine del Sacro Roman Inpero
• 1824 – Bataja de Junín, Perù. Le forse de Simón Bolívar łe vinse su łe spagnołe de José de Canterac
• 1825 – La Bołivia ła se indipendentiza da ła Spagna
• 1861 – Anesion britànega de Lagos, Nizèria
• 1875 – More sasinà a Quito el statista ecuadoregno Gabriel García Moreno
• 1890 – Inte ła Prezon de Auburn a New York, ła vien fazesta ła prima ezecusion co ła carega ełètrega
• 1915 – Prima guera mondiałe – scumìsia ła bataja de Sari Bair – i Liai i fa un ataco diversivo coinsidendo co un groso sbarco lià inte ła Baia de Suvla
• 1926
  • Gertrude Ederle ła divien ła prima dona che ła traersa a noo el canal de ła Mànega
  • Venèsia – se inàugura ła prima mostra del cinema.
• 1945 – Seconda guera mondiałe, bonbardamento atòmego de Hiroshima – na bonba atòmega, ciamada in còdaze Little Boy, ła vien desgansada dal Boeing B-29 Superfortress statunitense Enola Gay sora de ła sità de Hiroshima in Japon a łe 8:16 de matina (ora locałe). El s-ciopo el se ga vesto a un'altitùdene de 576 metri co na potensa paro a 12 500 tonełae de TNT, copando a l'istante 80 000 persone (altre 60 000 łe morirà drento de ła fine de l'ano par colpa de łe małatie provocae dal fallout nucleare) e desfando sirca l'80% de l'àrea edificada de ła sità
• 1959 – in Arzentina, el presidente Arturo Frondizi - che el ghea vinsesto łe ełesion gràsie a ła proscrision del Partio Peronista - el declara iłegałe el Partio Comunista.
• 1960 – Revołusion cubana – in resposta a l'enbargo dei Stati Unii, Cuba ła nasionałiza tute łe propietà straniere de ła nasion
• 1962 – La Jamàega ła divien indipendente
• 1964 – Vategan – Papa Poło VI pùblega l'ensìclega "Ecclesiam Suam"
• 1965 – El presidente statunitense Lyndon B. Johnson trasmuda in leje el Voting Rights Act del 1965
• 1969 – La NASA ła anunsa i ecuipaji che i tołarà parte a łe mision lunari Apollo 13 e Apollo 14
• 1974 – El funànboło franseze Philipe Petit traersa łe Tore Zemełe soto dei oci incrèdułi de ła sità de New York.
• 1978 – More Papa Poło VI
• 1982 – in Bołìvia ła se instàura ła democrasia al ciapar de ła prezidensa de ła Repùblega de Hernán Siles Zuazo.
• 1983 – in Ciłe, i partii de opozision i forma ła Consertasion de Partii par ła Democrasia.
• 1990 – Guera del Golfo – el Consejo de Seguresa de łe Nasion Unie el órdena un enbargo comerciałe globałe contro de l'Iraq, in resposta a l'Invazion del Kuwait
• 1991 – Tim Berners-Lee el pùblega el primo sito World Wide Web inte ła rete Internet
• 1993: Gonzalo Sánchez de Lozada el ciapa ła prezidensa de Bołìvia par ła prima volta.
• 1996 – La NASA anunsa che el meteorite ALH 84001, retegnesto orizenà da Marte, el detien prove de forme de vita primitive
• 1997 –
  • La Microsoft ła conpra na cuota de asion del vałore de 150 milioni de dòłari de ła Apple Computer, che ła ze in chel momento in problemi finanziari
  • Hugo Banzer el ciapa ła prezidensa de Bołivia por seconda e ùltema volta.
• 2001 – El presidente statunitense George W. Bush el reseve un raporto intitolà Bin Ladin Determined To Strike in US Bin Laden el ze determenà a vołer colpir inte i Stati Unii
• 2002 – Gonzalo Sánchez de Lozada el ciapa ła prezidensa de Bołivia por seconda e ùltema volta.
• 2008 – In Mauritània un colpo de Stato de l'ezersito porta a l'inprezonamento del presidente Sidi Mohamed Ould Cheikh Abdallahi, del primo ministro Yahya Ould Ahmed El Waghef e del ministro de l'interno
• 2012 – Curiosity ła atera co èzito inte ła superfise de Marte a łe 5.31 boti UTC
• 2014 – La sonda spasiałe "Rosetta", dopo 10 ani de viajo, ła riva a ła cometa 67P/Churyumov-Gerasimenko, traguardo finałe de ła mision

• Wikimedia Commons el detien imàjini o altri file so 6 de agosto
• Scholia el detien schemi gràfeghi so 6 de agosto