Łaguna

Na Łaguna ła xe un basin kostiero separà de al mar da de łe bariere naturałi. Ła se forma in rejoni łitoranee poko fonde e inte i delta de i korsi de akua, sevente el moto ondoxo, łe korenti kostiere, el rifornimento de detriti.
Se parla de łaguna viva ko ke ła komunega diretamente ko al mar, altrimenti de łaguna morta, kofà kełe de Kaorle e de Komàkio.

Łe łagune łe pol veñir camae ko dei nomi łokałi: inte ła banda meridional del Mar Bàltego bodden,haff o anca noor, inte el Mar del Nord meridional meer, inte el Golfo del Lion ètang. Anca łe łagune kostiere diretamente ałimentae da ła korente de akua dolse de un fiume łe pol veñir camae ko dei nomi łokałi: inte ła banda osidental del Mar Negro łiman, inte el Golfo de Vałénsia albufera.

Sevente łe kondision klimatege łe łagune łe pol transformarse in depoxiti sałini ko ke ła akua ła evapora tuta, stañi de akua salmastra (łame) ko ke parte de i sałi ła se deposita, stañi de akua dolse ko ke se deposita tuti i sałi.

• 
  łaguna de Gravo-Maran
• 
  Lagoa dos Patos e Lagoa Mirim in Braxil
• 
  łaguna Ojo de Lievre in Mèsego
• 
  mapa de ła łaguna/étang de Thau in Fransa
• 
  łiman del Nistro in Ukràina
• 
  albufera de Vałénsia