Reichskolonialbund

Reichskolonialbund

Dati
Sorte	colonial society (en)
Indùstria	terzo settore (it)
Ideołozìa pułìtega	Kolonialrevisionismus (de)
Istoria
Creasion	1936
Desołusion	10 de otobre del 1945

Ła Reichskolonialbund (scursà in RKB e traduzìbiłe in Vèneto co Łiga Cołoniałe de Stato) ła zera stada na organizasion de ła Zermania Nasionalsociałista. El so lìder el ze stà Franz Ritter von Epp.

Ła Reichskolonialbund ła ze stada ativa dal 1936 al 1943.

El fin de sta organizasion jera cueło de farse dare indrìo i so posedimenti cołoniałi dopo che i jera ndà persi par colpa del Tratà de Versailles a ła fin de la Prima guera mondiałe. Co ło scopo de ingrandirse, sta organisazion, xogava sul sentimento de ła popołsion todèsca che se sentiva maltratà e umilià da sto tratato.

I primi sforsi par reciaparse łe cołonie da parte de ła Zermania, i ze tacà inte el 1923. Come resultato de sta inisiativa, se ga formà in vàrie parte de ła Zermania na serie de organizasion che jera iutà finansiariamente dai anbienti conservatori e nasionałisti. Fondà inte el 1925, ła pì inportante ła ze stà el Koloniale Reichsarbeitsgemeinschaft (KORAG), che ga portà a ła fondaòion del Reichskolonialbund inte el 1933. Ła so fondasion ła ze sta fata in do tape, ła seconda de ste cua łe ze sta ła totałe integrasion inte el Partio Nazista.

Ła Reichskolonialbund ła ze sta fondà inte el 13 zugno 1936 da l'ex-governator de l'Afrega Orientałe Todèsca, Dr. Heinrich Schnee. Soto ła guida de Franz Ritter von Epp, el scopo presunto de l'organizasion jera cueo de mantegnere"..."informà ła popołasion todèsca su ła perdita de l'inpero cołoniałe, par no pèrdare i contati co i cołoni restà in sti teritori in man a potense forèste, co ło scopo de crear na condision favorévołe inte el pensièro cołetìvo, par recrear on novo inpèro todesco in Afrega." In ogni cazo, l'organizasion no ga avudo vita fasiłe, basta pensare che soło do mesi dopo ła so fondasion, Rudolf Hes ła gaveva fata desfare par decrèto, dopo łonghe tratative, inte el novenbre de l'anno steso sto decreto el ze sta revocà dal rejime nazista.

Come parte del trionfałismo nazista ła Reichskolonialbund jera destinà a ciapàre el posto de ła Sosietà Cołoniałe Todèsca, (Deutsche Kolonialgesellschaft) (DKG) che jera stà desfà in precedensa. Dato che ła Zermania nazista no gaveva cołonie, l'organizasion serviva par inpisàre l'agitasion połitega.

L'ajitasion ła ze stà fatà in gran parte in Zermania tramite xornali, reviste, conferense e "mostre cołoniali". Ste atività gaveva el scopo de mantegnere verta ła cuestion cołoniałe (Kolonialfrage) e de tirar su finansiamenti. I periodeghi pì inportanti che vegneva publicà tra el 1937 el 1943 jera "Kolonien und Heimat" e "Deutsche Kolonialzeitung". Ła RKB ga anca stanpà e publicà cartełoni de propaganda par sostegnere ła so càuza.

Ła Reichskolonialbund gaveva anca na so organizasion zovaniłe che ła ze devegnestà na branca de ła Zoventù Hitleriana. I so menbri se vestiva co łe divize regołari de ła Zoventù Hitleriana co tacà i distintivi de l'organizasion. I zovani vegneva doparà anca lori par tirar su fondi par ła cauza inte i raduni organizai da ła RKB. Łi adulti invense portava divise che se ispirava a łe truppe cołoniałi todèsche (Schutztruppe) dei tenpi del Inpero Tòdesco.

Ła RKB ła ga vesto anca do sesion parlamentari, inte el so perìodo mejo, una a Brema inte el 1938 e n'altra a Viena inte el 1939.

Ł'inisio de ła Seconda guera mondiałe inte el Setenbre del 1939, coinside co l'inisio de ła fin de ła RKB, cuando el stato nazista se ga concentrà su altre priorità, dove ła pì inportante jera ła reserca deł Lebensraum in Europa orientałe. Inte el 1943, el Reichsleiter Martin Bormann ga fato presion par desfare l'organizasion, par motivi de "Kriegsunwichtiger Tätigkeit" (atività inutiłe par ła guera). Cuindi ła Reichskolonialbund ła ze stada desfà in presa co on decreto del Führer inte el 1943.

Forse par ła situasion dezastroza de ła guera, l'organizasion ła ze stà desfà duramente e sensa cerimonie, cuasi come on secuestro. El groso dei documenti sul RKB i ze conservà inte i archivi de Coblensa.

El sinboło del Reichskolonialbund el ze sta fato bazàndose su ła bandiera de ła Conpagnia Todesca de l'Africa Orientałe

• Inpero cołoniałe todesco
• Ufìcio połitego cołoniałe del NSDAP
• Sosietà par ła cołonizasion todèsca
• Lista de łe ex-cołonie todèsche
• Conpagnia todèsca de l'Afrega Orientałe
• Mittelafrika
• Wituland
• Karl Peters
• Zoventù Hitleriana

• Hanswerner Nachrodt: Der Reichskolonialbund. Schriften der Hochschule für Politik - Der organisatorische Aufbau des Dritten Reiches, Heft 30, Berlin 1939.
• H. Jünemann und H. Mietz: Der Reichskolonialbund – Wiedergabe der Jünemannschen `Rechtfertigungen. Im Mitteilungsblatt des Traditionsverbandes ehem. Schutz- und Überseetruppen e.V. Nr.83 (Jubiläumsausgabe, 100 Jahre Traditionsverband) 1998.
• Handbuch für Amtsträger des Reichskolonialbundes (Beilage zu Der Koloniale Kanpf 2/1943) Reichskolonialbund, 1943
• Klaus Hildebrand: Vom Reich zum Weltreich. Hitler, NSDAP und die koloniale Frage 1919 - 1945, München 1969

• Wikimedia Commons el detien imàjini o altri file so Reichskolonialbund
• Scholia el detien schemi gràfeghi so Reichskolonialbund

• Ezanples of the Reichskolonialbund's agitation: Posters, insignias, etc. (de)
• "Schulungsplakate „Die Deutschen Kolonien“ als Beispiel der Agitationstätigkeit des Reichskolonialbundes (RKB) von 1939" von Arne Schöfert 2005
• "Zur Geschichte des Reichskolonialbundes (in Das größte Projekt des Reichskolonialbundes: Die Kolonialaustellung Dresden 1939)" von Arne Schöfert (ligo ronpesto dispunìbiłe in Internet Archive; védarse el istòrego, la prima version e ła ùltema).

2010

• "Die Mitteldeutsche Kolonialschau in Wien 1940 - Ezenplarische Darstellung einer Wanderaustellung des Reichskolonialbundes im III.Reich" von Arne Schöfert 2010