Kim Basinger

Kim Basinger

Biografia
Nasimènto	(en) Kimila Ann Basinger 8 de disenbre del 1953 (70 ani) Athens (Georgia)
Dati personałi
Formasion	Clarke Central High School (en) Università della Georgia (it) William Esper Studio (en) Neighborhood Playhouse School of the Theatre (en)
Altura	171 cm
Laterałizasion	Sanco
Cołor dei oci	Cełeste
Cołor de caveji	Cavejo biondo
Atività
Ocupasion	ator, ator de teatro, dopiador, cantante, ator de tełevixion
Atività	1976  –
Zènare	Mùzica par bałar
Instrumento muzicałe	Voze
Fameja
Cògnuze	Ron Snyder (en) (1980–1989), Divòrsio Alec Baldwin (1993–2002), Divòrsio
Fiołi	Ireland Baldwin (it)  ( Alec BaldwinKim Basinger)
Zenitori	Donald Wade Basinger (en)   e Ann Cordell (en)
(1998)  Oscar a ła mejo atora no protagonista, premià par L.A. Confidential (it) (1997)  Golden Globe par ła mejo atora no protagonista, premià par L.A. Confidential (it) (1997)  Screen Actors Guild Award per la migliore attrice non protagonista cinematografica (it) , premià par L.A. Confidential (it)  stella sulla Hollywood Walk of Fame (it)  Jupiter Awards

Kimila Ann Basinger, pì conosùa cofà Kim Basinger (Athens, 8 disenbre 1953), ła ze na atora statunitense.

Nasùa in una fameja de artisti (só pare el jera muzicista^[1][2]) e, come par tanti 'mericani, de aséndensa multiètnega (todesca, zvedeze e par 1/8 cherokee)^[3]), ła ga frecuentà l'academia de arte dramàtega, ma inte'l 1980 ła s'a trasferìa a New York, dove ła ga intraprendesto co suceso ła profesion de modeła. inte'l 1983 ła ze deventà famoza par èsarse fata fotografar deznuda so Playboy, e inte'l steso ano ła ga avesto el só primo roło inportante in un film, resitando in Mai dire mai. Ła ze stà un mùcio apresà da'l rezista Barry Levinson che'l l'a vołesta suìto co łù par far do film, I miei problemi co le donne (1983) e Il migliore (1984).

In conpanjìa de Mickey Rourke ła gà avesto na fama mondiałe co 9 settimane e 1/2 (1986) direto da Adrian Lyne: grasie a łe sene de'l film caratarizàe da un erotizmo 'pena mensonà, ła Basinger ła ze deventà el sex symbol par esełensa dei ani otanta. Ghe ze stà proponesto anca de partesipar a'l sequel, overosìpia 9 settimane e 1/2 - La conclusione (1997), ma ła se gà refudà par razon parsonałe.

Dopo na serie de film comersiałi, ła gà ciapà el laudo de ła crìtega col noir L.A. Confidential (1997) de Curtis Hanson), indove ła interpretava na scarabàsa de luso modełà so' łe fatese de ła diva dei ani quaranta Veronica Lake: dopo na bona interpretasion ła gà vinto l'Oscar de ła mejo atora no protagonista. Da'l 1980 a'l 1989 ła ze stà spozà co Ron Snyder, da'l 1993 a'l 2002 co l'ator Alec Baldwin, de sincue ani pì zòvane de eła, conosùo so'l set de Bella bionda... e dice sempre di sì. Ła só storia d'amor ła zera nata so'l set de Getaway, film andove i do i gavea zirà racuante sene hot. Fenìo el matrimonio co na separasion, ła cùbia ła ze stà a'l sentro de na bataja łegałe, łigà a l'afidamento de só fioła Ireland Eliesse Baldwin (nasesta el 23 otobre 1995).

Inte i ani novanta Kim Basinger ła ga cronpà na tore a Braselton in Zeorza, indove oncora uncò ła stà.

inte'l 2002 ła gà resità 'rente de Eminem inte'l film 8 Mile inte'l roło de só mare, da nòvo co Curtis Hanson a ła rezìa.

inte el 1989, alcuni menbri de ła fameja ghe gavea racomandà a Kim Basinger, de cronpàr inte ła sitadina de Braselton in Georgia na propietà co na tore par 20 miłion de dołari, da gestìr cofà atrasion toristega, co studi sinematogràfeghi e cofà sede de un festival sinematogràfego. Tałe investimento el s'avea revełà invese un flop co dificoltà finansiarie e conseguente vendita de parti de ła propietà. Atualmente Braselton (indove ła Basinger vive) ła ze na sità in rapida cresita e ła ze un sentro rezidensiałe conjosùo co na inportante comunità de motorsport.

Łe dificoltà finansiarie de l'atora łe se ga acentuà par via de'l controverso film Boxing Helena. Infati dopo el refudajo de ła cantante Madona, ła Main Line (caza de produsion de'l film) ła ga desidesto de fidàrghe a Basinger el roło de l'anputàda Helena. L'artista in modo verbałe ła gavea acetà de intarpretàr el roło, ma drioman, dapò na pì atenta łetura de'l copion, ła ga declinà l'oferta, convinta che'l film el ghe ofrise ai spetadori masa sene de seso e viołensa. Ła Main Line ła ga desidesto de portàr l'atora in tribunałe, faséndoghe zborsar a ła diva 8 miłioni de dołari pì 3 de speze łegałe, speze che ghe ga fato declarar bancarota. Ła sentensa ła ze durà pì de un ano e ła se ga concluzo co l'asołusion de Kim Basinger. Suito dopo ła facénda, inte n'intarvista, l'artista ła ga declarà: So stremamente conpiazesta de ła desizion de ła Corte, sèvito a sostenjer ghe no ghe zera nisun contrato, orałe o altro, contrariamente a łe afermasion de ła Main Line, e mi go senplisemente pensà che un contrato orałe no'l fuse łegalmente un vincoło.^[4]

Ła Basinger ła ze vezetariana e sostentadora dei deriti dei animałi. Ła ga pozà par ła PETA par na canpanja anti-pełìse e inazonta ła ghe ga scrito a stiłisti come Yohji Yamamoto par dimandarghe a łori ch'A se intaronpese el dòparo de ła pełìsa inte ła moda.^[5][6]

• Premi Oscar 1998: Mejo atora no protagonista par L.A. Confidential
• Golden Globe 1998: Mejo atora no protagonista par L.A. Confidential
• Screen Actors Guild Awards 1997: Mejo atora no protagonista par L.A. Confidential

• Hard Country (Paese selvaggio, 1981), rezìa de David Greene
• Mother Lode (I predatori della vena d'oro), 1982), rezìa de Charlton Heston
• Never Say Never Again (Mai dire mai), 1983), rezìa de Irvin Kershner
• The Man Who Loved Women (I miei problemi co le donne), 1983), rezìa de Blake Edwards
• The Natural (Il migliore, 1984), rezìa de Barry Levinson
• Fool for Love (Follia d'amore), 1985), rezìa de Robert Altman
• Nine 1/2 Weeks (9 settimane e ½), 1986), rezìa de Adrian Lyne
• No Mercy (Nessuna pietà, 1986), rezìa de Richard Pearce
• Blind Date (Appuntamento al buio), 1987), rezìa de Blake Edwards
• Nadine (nadine, un amore a prova di proiettile), 1987), rezìa de Robert Benton
• My Stepmother Is an Alien (Ho sposato un'aliena, 1988), rezìa de Richard Benjamin
• Batman (1989), rezìa de Tim Burton
• The Marrying Man (Bella, bionda... e dice sempre sì), 1991), rezìa de Jerry Rees
• Final Analysis (Analisi finale), 1992), rezìa de Phil Joanou
• Cool World (Fuga dal mondo dei sogni), 1992), rezìa de Ralph Bakshi
• The Real McCoy (Una bionda tutta d'oro), 1993), rezìa de Russell Mulcahy
• Wayne's World 2 (Fusi di testa 2), 1993), rezìa de Stephen Surijk (Cameo)
• The Getaway (Getaway), 1994), rezìa de Roger Donaldson
• Prêt-à-Porter (Prêt-à-Porter), 1994), rezìa de Robert Altman
• L.A. Confidential (1997), rezìa de Curtis Hanson
• I Dreamed of Africa (Sognando l'Africa), 2000), rezìa de Hugh Hudson
• Bless the Child (La mossa del diavolo), 2000), rezìa de Chuck Russell
• 8 Mile (2002), rezìa de Curtis Hanson
• People I Know (2002), rezìa de Dan Algrant
• The Door in the Floor (2004), rezìa de Tod Williams
• Elvis Has Left the Building (Se ti investo mi sposi?), 2004), rezìa de Joel Zwick
• Cellular (2004), rezìa de David R. Ellis
• Even Money (2006), rezìa de Mark Rydell
• The Mermaid Chair (La leggenda della sirena), 2006), rezìa de Steven Schachter
• The Sentinel - Il traditore al tuo fianco (2006), rezìa de Clark Johnson
• The Burning Plain (The Burning Plain - Il confine della solitudine), 2008), rezìa de Guillermo Arriaga
• Legittima offesa - While She Was Out (2008), rezìa deSusan Montford
• The Informers - Vite oltre il limite (2008), rezìa de Gregor Jordan
• Charlie St. Cloud (Segui il tuo cuore) (2010), rezìa de Burr Steers

• Charlie's Angels epizodio 1x05(1976)
• Dog and Cat 6 epizodi (1977)
• The Ghost of Flight 401 (1978)
• Katie: Portrait of a Centerfold (1978)
• Da qui all'eternità (1979) - miniserie TV
• Da qui all'eternità 13 epizodi (1980)
• Killjoy (1981)

1. ↑ Kim Basinger biography. Film Reference.com.
2. ↑ Kim Basinger Archivià il 22 de majo 2011 in Internet Archive. . Yahoo Movies.
3. ↑ Joe Baltake, Kim Basinger – Information on the Academy Award Winning Actress and former fashion model., Philadelphia Daily News, 22 dicembre 1983. entrada il 10 dicembre 2007. Parametro sconosesto DN&p_theme ignorà (juto)
4. ↑ La Biografia Di Kim Basinger
5. ↑ Celebs that protest for PETA, some in the buff., Kim Basinger – Protesting for PETA – Pictures – Homefamily, Virgin Media, 21 luglio 2008. entrada il 1º marzo 2010.
6. ↑ Join Kim Basinger in Telling Yohji Yamamoto to Stop Using Fur! | PETA Asia-Pacific, Action.petaasiapacific.com. entrada il 1º marzo 2010.

• Sito itałian no uficiałe de Kim Basinger
• IMDb
• Kim Basinger Archivià il 2 de lujo 2012 in Internet Archive.

• Wikimedia Commons el detien imàjini o altri file so Kim Basinger
• Scholia el detien schemi gràfeghi so Kim Basinger