Giovanni Galbaio

Giovanni Galbaio

Biografia
Nasimènto	seculo VIII Venèsia (Itàlia)
Mòrte	804 (Gregorian)
8o Doxe
797 – 803 ← Maurizio Galbaio – Antenoreo Obelerio (it)  →
Atività
Posto de laoro	Venèsia
Laóro	pułìtego
Fameja
Pare	Maurizio Galbaio

Giovanni Galbaio (...) el ze stà, drìo ła tradision, l'8º doze de'l Dogado de Venesia.

Łe só visende biogràfeghe politeghe łe ze in gran parte łigàe a cuełe de'l pare Maurizio, che el ga presedesto in carga de dux tra el 764 e el 797. Inte'l 772-773 el ga partesipà a ła canpanja che el se ga oposto, in vanità, a ła Concuista łongobarda de l'Istria e el ze stà catà prezonier. Inte'l 778-779 el ze stà nominà coregente da'l so pare, che'l ze stà cuindi el primo a far ła carga ducal ereditaria, ispirandose a łe uzanse bizantine.

A ła morte de Maurizio, inte'l 797, Giovanni el ga ciapà i pieni poteri. Calche tenpo dopo el ga nominà coregente so fio Maurizio II, sensa parò sotométer ła desizion a'l zudisio de'l pòpoło . 'Sta mosa ła ze stà condanada da fonti che, in zeneral, łe ga n'opinion asae negativa verso Giovanni e Maurizio II. L'ùltemo no'l ze njanca anoverà inte ła lista ufisałe de i Dozi.

A'l prinsipio de'l IX sècoło ła situasion par el Dogado, za asae difisiłe, ła ga ciapà toni dramàteghi. I atriti tra el duca e el Patriarca de Grado, Giovanni IV, i ga reprezo in modo più vigorozo, refletendo ła riscioza połitega antifranca de i Galbai in resposta a ła repentina asension de Carlo Magno, sostenjùa da Papa Leon III.

Inte l'802 ła tension ła ga tocà un punto culminante: Giovanni el ga ordenà a'l fiol de farse cao de na flota par tacar el patriarca. Grado ła ze stà mesa a fero e fogo mentre el prełato el ze stà fato presipitar da na tore de'l só castrum.

'Sto avenimento el ga avùo rezvolti dezastrozi. A Giovanni el ze sucedesto inte'l 803 Fortunato che el ga continuà co fogozità ła połitega fiłofranca e antidogal de'l predecesor (de ła cuała el zera parente). Intanto, anca serte famegie de'l patrisià venesian łe se ga schierà spacatamente contro i do governanti. Giovanni e Maurizio i ga desidesto de łasar Venesia: el primo el ga riparà, fursi, a Mantoa, l'altro el ze pasà in una łocałità de la "Fransa". A ze posibiłe che i do i gavese optà par un vero e propio eziłio, inte ła speransa de fenir serenamente ła só ezistensa da "sitadini privài".

Da 'sto momento, de łori no se ga più notisie. Tra el 803 e el 804 ze stà nominà duca el tribuno Obeliario che el ga sielto come só coregente el fradeło Beato.

• voze de refarensatreccani.it.

• Wikimedia Commons el detien imàjini o altri file so Giovanni Galbaio
• Scholia el detien schemi gràfeghi so Giovanni Galbaio