Gibson SG

Gibson SG

Tipo	solid body (it) e chitara eletrica
Costrutor	Gibson Guitar Corporation
Data	1961 — prexente
Caratarìsteghe tècneghe
Tipo del body	Solid body
Union del mànego	Set-in
Legni
Body	Mògano
Mànego	Mògano
Tastiera	Èbano o Palisandro
Hardware
Ponte	Fixed o Gibson vibrà
Pickup	1, 2 o 3 Humbucker; 1 o 2 P-90s; difarenti version entry level łe ga avesto pickup single coil.
Cołori dispunìbiłi
Prinsipalmente cołor sarexa ma anca naturałe, cołor noxa, bianco, nero, mògano, vari cołori spesałi e burst.

Gibson SG ła ze na łinea de ghitare ełètreghe solid body produzeste da ła Gibson a partire dai anni sesanta. Ła sigla SG ła sta par "solid guitar". 'Sta łinea ła ga raprezentà un tentativo de rinovar ła fameja de ła łezendaria Gibson Les Paul (che inte'l tenpo ła jera stà estendesta e ła includea za inte i primi ani sesanta na vasta gama de modełi sia conomisi sia profesionałi), soratuto a'l scopo de reazir a l'avento de ła Fender Stratocaster, che co'l só corpo łeziero ła gaveva contribuìo notevolmente a'l cało de łe vendite de ła Les Paul, difati ła SG ła ga un corpo sutiło da 1,35" (35 mm sìrca), ma se dize che łe orizenałe łe gavese un corpo pì de frecuente da 1,5" (38 mm sirca)^{[Fonte nesesària]}

. A se trata de un strumento inpiegà estensivamente dai muzicisti hard rock che condemànco el ga savesto retajarse dei nòbiłi spasi anca in anbito blues, ponesto che Duane Allman el doparava scuazi escluzivamente na Gibson SG par l'inprovizasion co'l slide.

El 1961 el ze un parìodo difisiłe par ła Gibson. Ła Fender, stòrega concorente, ła ze riusìa ad ocupar bona feta de'l mercà co i só prodoti, intrà cui łe Telecaster e łe Stratocaster, pì econòmeghe,łeziere e versatiłe. E A ze propio par el pezo, ła forma, ma soratuto el sound versatiłe e cuindi adatà par tuti i zènari de ła Stratocaster, che ła spenze ła Gibson a zviłupar na nova ghitara. Recalcando el stiłe e el karma de ła vecia Les Paul, prodoto de ponta de ła caza costrutora, A vien donca rełizà ła "Les Paul Solid Guitar", drioman renominada SG (da Solidbody Guitar).

L'idea de asosiarghe a'l novo modeło el vecio nome Les Paul A ze servìo par darghe na łinea de continuità so'l nome de'l famozo ghitarista ideator de ła Les Paul. Anca łe varsion de ła SG łe ga recalcà cuełe de ła mare: inte'l 1961 ła ze stà comersiałizà inte łe do varsion "Stàndar" e "Custom", propio cofà łe varsion de ła Les Paul. Ła "Custom" ła gaveva ła tastiera in ebano, el corpo in mogano e łe refinidure placàe in oro, e da'l '61 a'l '63 ghe jera ła stesa targheta de indentifegasion de ła Les Paul Custom, o sia sensa ła disitura "SG". Ła "Stàndar" ła diferiva par łe tastiere in pałisandro e, inazonta, noma che ła "Stàndar" ła gavea ła marca "Stàndar" co ła zonta de ła scrita "SG".

Inte'l 1965 ła SG ła zera stà sotoponesta a un restyling inportante. El batipena el ze devenjesto do volte pì łargo a'l fin de reséver tuti i pick-up. Modełi co'l batipena orizenal i ga continuà a èsar produzesti soto el nome "Vintage". Ancora uncò eziste na łinea "Vintage" che ła reprdiuze esteticamente łe SG orizenałi, co ełetrònega azornada.

Inte'l 1968 (ano ch'A ze tornà ad èsar comersiałizà ła Les Paul) l'è stà introduzesto un novo modeło econòmego de SG, ła "Junior", tutora in produsion. Ła "Junior" cusì cofà ła "Les Paul Junior" ła zera dotà de un únego pick-up tipo "P-90", o sia "single coil" o sia a bobina ùnjoła diversamente dai pick-up PAF "humbucker" adotài dai altri tipi de SG. I "P-90" i zera dotà de na partegołar forma che ła ghe vałeva racuanti soranomi: in Itałia "saponette", inte i Stati Unìi "soapbar" (e anca dogears co vide de fisagio łaterałe inte ła varsion montada so łe semiacùsteghe). Ła "Junior" ła zera stà dotà anca de ła łeva vibrà. Scuazi contenporaneamente a ła "Junior" A zera stà produzesta ła "Special" dotà de do "P-90" e de ła clàsega łeva vibrà tipo "Vibrola". Anca st'altra guałìva a ła "Junior" ła vien riproponesta inte ła corente produsion Gibson inte ła serie "reissues".

• Gibson SG Stàndar
• Gibson SG Custom
• Gibson SG Special
• Gibson SG The SG
• Gibson SG Supreme
• Gibson SG Menace
• Gibson SG Goddess
• Gibson SG '61 Reissue
• Gibson SG GT
• Gibson SG Angus Young Signature
• Gibson SG Tony Iommi Signature
• Gibson SG Robby Krieger Signature
• Gibson SG Junior
• Gibson SG Vintage
• Gibson SG Doubleneck
• Gibson SG-Zanda Signature
• Gibson SG-X
• Gibson SG Bigsby
• Gibson SG Special Faded 3 pickups
• Gibson SG G 400
• Gibson SG ZOOT
• Gibson SG Eric Clapton Fool
• Gibson SG Z
• Gibson SG Robot
• Gibson SG Roxy
• Gibson SG Diablo
• Gibson SG Derek Trucks signature
• Gibson SG Melody Maker
• Gibson SG Deluxe
• Gibson SG Pro
• Gibson SG Firebrand
• Gibson SG 200
• Gibson SG 100

Tanti intra i pì famozi ghitaristi che i dòpara o i ga doparà ła SG, alguni łigando el propio nome indisołubilmente a'l strumento, cofà Angus Young dei AC/DC, Tony Iommi dei Black Sabbath e Robby Krieger dei Doors; tanti altri utiłizándoła in parìodi łonghi o curti de ła propia cariera, tra cui Pete Townshend dei Who, Frank Zappa, Carlos Santana, Sister Rosetta Tharpe, Jerry Garcia dei Grateful Dead, Eric Clapton cuando che'l miłitava inte i Cream, Jimi Hendrix, Duane Allman dei The Allman Brothers Band, John Cipollina dei Quicksilver Messenger Service, Frank Marino dei Mahogany Rush, Derek Trucks, Bernard Sumner dei Joy Division, Gillian Gilbert dei New Order, Mike Oldfield, Gary Clark Jr., Thom Yorke dei Radiohead, Stephen Stills dei Crosby, Stills, Nash & Young, George Harrison e John Lennon dei Beatles, Keith Richards e Mick Taylor dei Rolling Stones, The Edge degli U2, Max Cavalera dei Sepultura, Greg Hetson dei Bad Religion, Richie Sambora dei Bon Jovi, Billy Corgan dei The Smashing Pumpkins, Zakk Wylde, John Frusciante dei Red Hot Chili Peppers, John McLaughlin, Bill Frisell, Lenny Kravitz, Joe Perry dei Aerosmith, Brian Molko dei Placebo, Adrian Smith dei Iron Maiden, Frank Hannon dei Tesla, Stef Burns, Dexter Holland dei The Offspring, Tim McIlrath dei Rise Against, Allan Holdsworth, Robb Flynn dei Machine Head, Ian MacKaye dei Fugazi, Kelly Jones dei Stereophonics, Ryan Peake dei Nickelback, Daron Malakian dei System of a Down, Lily Lazer dei HIM, Zal Cleminson dei Nazareth, Jepson dei The Ark, Massimo Riva de ła Steve Rogers Band e ghitarista de Vasco Rossi, Mick Box dei Uriah Heep, Jimmy McCulloch dei Wings, Todd Rundgren, i Nameless Ghouls Alpha e Omega dei Ghost, Vinnie Stigma dei Agnostic Front e Jake Kiszka dei Greta Van Fleet.

Ła Gibson SG in Itałia ła ze anca conosùa co el soranome "Diavoletto", par via de łe do stremità inpontìe de'l corpo che'l recorda do picołi còrni.

• Ken Achard, The History and Development of the American Guitar, Westport, CT, Bold Strummer Ltd., 1989, ISBN 978-0-933224-18-6.

• Walter Carter, Gibson Guitars: 100 Years of an American Icon, Los Angeles, General Publishing Group, 1994, ISBN 978-1-881649-39-7.

• Paul Day, Carter, Walter; Hunter, Dave; Verheyen, Carl, The Ultimate Gibson Guitar Book, New York, Metro Books, 2011, ISBN 978-1-4351-3756-1.

• A. R. Duchossoir, Gibson Electrics: The Classic Years, Milwaukee, WI, Hal Leonard, 1998, ISBN 978-0-7935-9210-4.

• A. R. Duchossoir, Gibson Electric Steel Guitars: 1935-1967, Milwaukee, WI, Hal Leonard, 2009, ISBN 978-1-4234-5702-2.

• Joe Spann, Spann’s Guide to Gibson: 1902-1941, Anaheim Hills, CA, Centerstream Pub., 2011, ISBN 978-1-57424-267-6.

• Gibson
• Gibson Les Paul
• Gibson Firebird
• Gibson Explorer
• Gibson Flying V

• Wikimedia Commons el detien imàjini o altri file so Gibson SG
• Scholia el detien schemi gràfeghi so Gibson SG

• (EN) Sito ufficiale