Frank Gambale

Frank Gambale

(2011)
Biografia
Nasimènto	22 de disenbre del 1958 (65 ani) Canberra (Austràlia)
Dati personałi
Formasion	Musicians Institute (en)
Atività
Ocupasion	chitarista, chitarista jazz, muxicista de jazz, turnista
Atività	1984  –
Zènare	Jazz (it) , fusion (it) , rock strumentale (it) e post-bop (it)
Instrumento muzicałe	chitara
Àlbun	13 (sołista)
Àlbun stùdio	10
Àlbun dal vivo	3
Sito web	frankgambale.com

Frank Gambale, (Canberra, 22 de desenbre, 1958) el ze ghitarista austrałian.

El ze de orìzene itałiana (Paternopoli, in provinsia de Avellino, de'l cuało el ze sitadin onorario) e'l prediłize el stiłe rock/fusion. El ga tacà sonar ła ghitara a l'età de sete ani. El ze stà infroensà da'l modo de sonar el blues de Jimi Hendrix, de John Mayall, de Eric Clapton e de Jerry Garcia dei Grateful Dead. Drìoman, durando l'adołesensa, el ga descoerto ła mùzega dei Steely Dan, de Michael Brecker e de Chick Corea che ghe ga fornìo el primo aprocio jazzistego.

Inte'l 1982 el ga desidesto de inprofondir el studio de ła ghitara a'l Guitar Institute of Technology (GIT) de Hollywood, indove el s'a diplomà co suceso e'l ze restà cofà insenjante par 4 ani, durando i cuałi el ga sonà in racuanti jazz club łocałi, el ga scrivesto el só primo łibro, "Speed Picking", e'l ga firmà un contrato co l'eticheta Legato par ła rezistrasion de tre dischi. El sucesivo incontro co Chick Corea el ga senjà na zvolta inte ła só cariera; el ga scumisià sìe ani de intenso łaor che'l ło ga fazesto conóser a'l mondo, ghe ga frutà 5 dischi, un “Grammy Award” e do “Grammy Nominations”. De Chick Corea, a'l cuało el ze restà tanto grato e co'l cuało łe cołaborasion se ga suseguìe inte i ani sensa interusion, el ga dito: “Sonar co łù A ze come se un sonjo deventase realtà!”. Senpre par Chick Corea el ga sonà inte ła Chick Corea Elektric Band insieme a John Patitucci e Dave Weckl.

I só inpenji in anbito muzegałe i ze ndà oltra ła pura atività de muzicista: caze costrutore de ghitare ełètreghe e de strumenti ełetròneghi de fama mondiałe (cofà łe japoneze Ibanez e Yamaha) łe ga otenjùo ła só consułensa e'l só nome par prozetar e zlansar so'l marcà diversi novi modełi de ghitare e de asesori ełetròneghi de gran suceso.

Oltra a tanti altri dischi e cołaborasion co nomi famozi, łigai ai pì zvariai zènari muzegałi, Frank Gambale el ga produzesto video didàteghi, el ga zirà el mondo co'l só grupo, el ze a cao de'l departimento de Ghitara de ła nova scòła de mùzega de Los Angeles ciamada “L.A. Music Academy” (LAMA), indove el partesipa ativamente a ła stezura dei programi, a ła sełesion dei insenjanti, ed a l'insenjamento steso.