Martes foina

Sta voxe de forme de vita‎ xe orfagna, o sia privada de lighi in entrada da altre voxe Inserìsaghene inmanco uno pertinente e cava l'avixo.

Dezanbìgua – Se te serchi el fołeto ke vive e salta inte i boschi, védarse Salbaneło

Martes foina

Dati
Lonzevità màsima	18,2 anini
Stato de conservasion
Ris-cio mìnemo
UICN	29672
Tasonomia
Clase	Mammalia
Órdene	Carnivora
Fameja	Mustelidae
Zènare	Martes
Spece	Martes foina (Erxleben, 1777)
Nomenclatura
Protònemo	Mustela foina
Distribusion

El fuin o fuina (nome sientifego Martes foina) xe un mamìfero onivoro (vałe a dir ke'l magna de tuto) de ła fameja dei Mustelidae. In todesco se dixe Steinmarder, in inglexe beech-marten, in tałjan faina. El xe longo 45–50 cm, co 25 cm de coa e el pexa in mèdia do kiłi. El peło, corto e fiso, el xe maron ciaro, pi scuro sul muxo, co na macia bianca-xała suła goła slungà fin ała pansa; łe rece łe xe tonde orlà de bianco, łe sate łe ga un cołor maron pi scuro, come se el fuin gavese łe calse.

El fuin se trova dał'Europa (ma no in Irlanda,Gran Bretagna e Scandinavia) fin in Axia, in Manciuria.

El vive inte i boschi, anca in xone rente dove ke vive i omeni. El fa ła so cucia drento muri veci o sgrebani spacà.

El se sposta e el cacia de note. El magna miełe (łe ave e łe vespe no ghe fa gnente), perle, ovi dei oxełi o oxełeti ke'l trova inte i gnari, moreje, schirati, barbastrji, połastri e conej. Quando ke'l capita drento un punaro o na conejara, el copa tante pi bestie de quełe ke dopo el magna: i etołogi ciama sto modo de fare surplus killing.

• Wikimedia Commons el detien imàjini o altri file so Fuin
• Wikispecies el detien informasion so Fuin
• Scholia el detien schemi gràfeghi so Martes foina