Sistema oparadivo

La storia dei sistemi operadivi la corisponde caxi par tuto al periodo de evolusion dei calcoladori eletroneghi e, pì in xenerale, de la storia dell'informadega inte el periodo intrà el 1945 e el 1955 i elaboradori eletroneghi i jera vere e proprie camare piene de valvole termoioneghe, i jera lentisimi e talmente costoxi che i se i poeva permetare solo i grandi çentri de calcolo o Università o organixasion co tanti finansiadori. A partir dai ani 1960 co la cresita dei primi mainframe xe vegnesto nesesàrio software che i consentise l'intermuxo dei uxuari co ste machine, l'evolusion la se ga dato na cełerada partendo co i ani 1970, soratuto co xe rivai i primi home computer e dei personal computer.

 

On sistema operadivo l'è un insieme de software chel dà a l'uxuario na serie de comandi e servisi par doparar al mejo la potensa de calcolo de un calsiasi dispoxitivo intelijente, spasiando dal pì ceo dei rełoji al pì grando intrà i mainframe. I sistemi operadivi i sconde tuti i particolari tecnisi ligai al speçifego hardware e architetura raprexentando le informasion a un alto livel, che se pol capir mejo da l'omo.

Sto cuà el garantise l'operadività de baxe de un calcoladore, coordinando e jestendo le risorse hardware de proçesamento (procesore) e memorixasion (memoria primaria), le perifereghe, le risorse/atività software (proçesi) e faxendo da Intermuxo co l'uxuario, che sensa de sto cuà no saria posìbiłe doparar el computer co programi/software speçifeghi, come aplicasion o librarie software.

El xe donca un conponente imancàbiłe de sistema de elaborasion, chel serve da intermuxo tra l'uxuario e la machina e in pì el xe na baxe andove se ghe poxa altri software, che donca i garà da esar projetai e inplementai in modo da esare riconosui e suportai da cuel particolar sistema operadivo. Col proçesore, che l'è caxi ligà streto, el fa parte de la cusita dita piataforma del sistema de elaborasion.

In jeneral. un sistema operadivo el pole esar:

• monoutente, se solo un uxuario par olta el pole ndar drento a le risorse del elaborador;
• multiuxuario, se pì uxuari i pole ndar drento a le risorse de l'elaborador. A so olta el pole esar:
  • seriale, de secuensa uno par olta;
  • parałeło, ogniuno parałełamente a chei altri;
• monotasking, se l'è bon de far solo un conpito o task (proçeso) a la 'olta:
• multitasking o multithreading, se l'è bon de far pì conpiti o sotoconpiti paralelamente traerso na çerta pulitega de scheduling (par exenpio. timesharing).
• portabiłe o no so difarenti architeture hardware de proçesori.