Steffi Jones
 | |||
| Shaxsiy maʼlumot | |||
|---|---|---|---|
| Toʻliq ismi | Stephanie Ann Jones | ||
| Tavallud sanasi | 22-dekabr 1972-yil | ||
| Tavallud joyi | Frankfurt, Gʻarbiy Germaniya | ||
| Boʻyi | 180 cm (5 ft 11 in) | ||
| Ampluasi | Himoyachi | ||
| Yoshligida aʼzo boʻlgan klublar | |||
| 1979—1986 | SV Bonames | ||
| Professional faoliyati* | |||
| Yillar | Jamoa | Isht. | (Gol.) |
| 1986—1991 | SG Praunheim | ||
| 1991—1992 | FSV Frankfurt | ||
| 1992—1993 | SG Praunheim | ||
| 1993—1994 | TuS Niederkirchen | ||
| 1994—1997 | SG Praunheim | ||
| 1997—1998 | FSV Frankfurt | ||
| 1998—2000 | SC Bad Neuenahr | ||
| 2000—2002 | 1. FFC Frankfurt | ||
| 2002—2003 | Washington Freedom | ||
| 2003—2007 | 1. FFC Frankfurt | ||
| Milliy terma jamoa | |||
| 1993—2007 | Germaniya | 111 | (9) |
| Boshqargan klublari | |||
| 2016—2018 | Germaniya | ||
| *Professional klublardagi gollari (ichki chempionat) | |||
Stephanie Ann Jones (1972-yil 22-dekabrda tugʻilgan)—nemis-amerikalik futbol murabbiyi va Germaniya ayollar terma jamoasiga bosh murabbiylik qilgan sobiq futbolchi. Faoliyati davomida himoyachi ampulasida oʻynagan Steffi 1993 va 2007-yillar oraligʻida milliy terma jamoada 111 oʻyin oʻtkazgan. 2003-yilgi FIFA ayollar oʻrtasidagi Jahon kubogi va ketma-ket uchta Yevropa chempionatida gʻolib chiqishga yordam bergan. Futbolchilik faoliyatini yakunlaganidan soʻng, 2011-yilda Germaniyada boʻlib oʻtgan FIFA ayollar oʻrtasidagi Jahon chempionatini tashkil qilish uchun mas’ul boʻlgan futbol maʼmuri boʻlib ishlagan.
Futbolchilik faoliyati
[tahrir | manbasini tahrirlash]Klub
[tahrir | manbasini tahrirlash]Jones toʻrt yoshida futbol oʻynay boshlagan. 1979-yildan 1986-yilgacha u Frankfurtdagi SV Bonames uchun aralash yoshlar jamoalarida oʻynadi. 1986-yilda u SG Praunheimning qizlar jamoasiga qoʻshildi va 1988-yilda klubning ayollar jamoasiga oʻtdi. 1991-yilda Jones FSV Frankfurtga koʻchib oʻtdi va keyinchalik u 2000-yilda Frankfurt FFC 1 ga qoʻshilmaguncha deyarli har yili jamoalarni oʻzgartirdi. 2002-yilda u Frankfurtga qaytishdan oldin WUSAda ikki yil oʻynash uchun Washington Freedomga qoʻshildi[1]. Jones futbolchilik faoliyatini 2007-yilning 9-dekabrida yakunladi.
Xalqaro
[tahrir | manbasini tahrirlash]Jones Germaniya terma jamoasi uchun birinchi oʻyinini 1993-yilda UEFA ayollar chempionatining uchinchi oʻrin uchun Daniyaga qarshi oʻyinida Germaniyaga yutqazgan. 1997-yildan boshlab u ketma-ket uchta Yevropa chempionati va 2000-yilgi Yozgi Olimpiya oʻyinlarida bronza medalini qoʻlga kiritdi. Jones, shuningdek, 2003-yilgi ayollar oʻrtasidagi jahon chempionatida gʻolib chiqqan jamoaning bir qismi edi; u turnirning uchinchi oʻyinida xochsimon bogʻlami yorilib, olti oyga safdan chiqdi. U 2004-yilgi Yozgi Olimpiya oʻyinlarida ikkinchi marta Olimpiya bronza medalini qoʻlga kiritdi[2]. Jones 2007-yilning 26-martida xalqaro faoliyatini yakunlaganini eʼlon qildi[3]. U oʻz faoliyatini 111 ta oʻyinda 9 gol bilan yakunlagan[4].
Murabbiylik va boshqaruv
[tahrir | manbasini tahrirlash]Futbolchilik faoliyatini yakunlaganidan soʻng Jones Germaniyada boʻlib oʻtgan 2011-yilgi ayollar oʻrtasidagi Jahon chempionatining tashkiliy qoʻmitasi prezidenti boʻlib ishlagan[5]. Keyinchalik Germaniyaning Kyoln sport universitetida murabbiylik litsenziyasini olgan. Silvia Neid qoʻl ostida terma jamoa bosh murabbiyi yordamchisi boʻlib ishlaganidan soʻng Jones 2016-yilning avgustida bosh murabbiy lavozimini egallagan[6][7][8].
Shaxsiy hayoti
[tahrir | manbasini tahrirlash]Nemis va Amerika fuqarosi boʻlgan Jones nemis ona va afro-amerikalik otaning qizi. Uning otasi oʻsha paytda Gʻarbiy Germaniya hududida joylashgan askar edi; u Amerika Qoʻshma Shtatlariga qaytish uchun hayotining boshida oilani tark etdi. Jonesni yolgʻiz onasi Frankfurtdagi ishchilar yashaydigan mahallada tarbiyalagan. Bir akasi Christian giyohvandlik bilan kurashgan; yana bir ukasi Frank Iroqda amerikalik askar boʻlib xizmat qilgan va 2006-yilda hujumda ikki oyogʻidan ayrilgan[9].
Jones 2013-yil fevral oyida lezbiyan sifatida omma oldida chiqish qilgan[10]. Jonesning tarjimai holi Der Kick des Lebens (The Kick of Life) 2007-yil avgustida chop etilgan[11].
Yutuqlari
[tahrir | manbasini tahrirlash]Shaxsiy
[tahrir | manbasini tahrirlash]- 2006-yil 11-iyun: Gessian xizmatlari uchun ordeni "Balans 2006 homiysi sifatida koʻp yillik ixtiyoriy xizmatlari uchun—Integratsiya und Toleranz für eine friedliche Fußball-Weltmeisterschaft loyihasi[12].
Manbalar
[tahrir | manbasini tahrirlash]- ↑ „Jones inducted into Hall of Freedom on Sunday“ (de). DFB - Deutscher Fußball-Bund e.V.. Qaraldi: 2022-yil 21-iyul.
- ↑ „Steffi Jones“. olympics.com. Qaraldi: 2022-yil 22-iyul.
- ↑ „Jones ends Germany career“ (en). UEFA.com (2007-yil 26-mart). Qaraldi: 2022-yil 22-iyul.
- ↑ DFB. „official statistics at German Football Association“. DFB Net (28-mart 2007-yil).
- ↑ DFB. „official announcement at German Football Association“. DFB Net (11-noyabr 2007-yil).
- ↑ „Silvia Neid's last match as German's coach is for the gold“. Associated Press (19-avgust 2016-yil). 2018-yil 26-iyunda asl nusxadan arxivlangan. Qaraldi: 2022-yil 21-avgust.
- ↑ „Steffi Jones: Germany sack women's head coach after SheBelieves Cup disappointment“ (en-GB). BBC Sport (14-mart 2018-yil). Qaraldi: 5-iyun 2018-yil.
- ↑ „DFB entbindet Bundestrainerin Steffi Jones von Aufgaben“. dfb.de (13-mart 2018-yil).
- ↑ „OC President Steffi Jones“. 2012-03-05da asl nusxadan arxivlandi. Qaraldi: 2022-08-21.
{{cite magazine}}: Cite magazine requires|magazine=(yordam) - ↑ ?. „Steffi Jones outet sich – "Ja, wir sind ein Paar" (in German)“. Welt (3-fevral 2013-yil).
- ↑ JENS-MEYER ODEWALD. „Interview with Steffi Jones (in German)“. Hamburger Abendblatt (22-sentabr 2007-yil).
- ↑ Hessische Staatskanzlei: Hessischer Verdienstorden für Steffi Jones (Wayback Machine saytida 2012-02-10 sanasida arxivlangan); Pressemitteilung vom 11. Juni 2006
Havolalar
[tahrir | manbasini tahrirlash] |
Vikiomborda Steffi Jones haqida turkum mavjud |
- Rasmiy sayti (Germaniyadagi)
- Steffi Jones WorldFootball.net saytida