Sano (Tochigi)
Sano 佐野市 | |
|---|---|
| Shahar | |
 | |
 Bayroq  Gerb | |
| 36°18′51.84″N 139°34′41.88″E / 36.3144000°N 139.5783000°E | |
| Mamlakat | Yaponiya |
| {{{mintaqa_turi}}} | Kanto viloyati |
| Asos solingan | 1-aprel 1889-yil |
| Maydon | 356.04 km2 (137.47 kv mi) |
| Iqlim turi | nam subtropik iqlim |
| Rasmiy til(lar)i | yapon |
| Aholisi (2020-yil avgust) |
117 669 |
| Zichligi | 330 kishi/km2 |
| Vaqt mintaqasi | UTC+9:00 |
| Telefon kodi | 0283-24-5111 |
Sano (yaponcha: 佐野市 Sano-shi) Yaponiyaning Tochigi prefekturasida joylashgan shahardir. 2020-yil 1-avgust holatiga koʻra, shaharda, aholi soni 117.669 kishini tashkil etgan[1], 52.066 ta xonadondan iborat boʻlib, aholi zichligi 1 km2 ga 330 kishini tashkil qilgan. Shaharning umumiy maydoni 356,04 kvadrat kilometr (137,47 mi²) ga teng. Shahar Outlet Mall, Sano Yakuyoke Daishi ibodatxonasi va mahalliy xilma-xil ramenlar ayniqsa Sano Ramen bilan mashhur. Yaqinda Sano Yaponiyadagi kriket uyi sifatida xalqaro eʼtirofga sazovor boʻldi.
Geografiyasi
[tahrir | manbasini tahrirlash]Sano shimoliy Kanto tekisligida, janubi-gʻarbiy Tochigi prefekturasi hududida joylashgan boʻlib, gʻarbda Gunma prefekturasi bilan chegaradosh.
Atrofdagi munitsipalitetlar
[tahrir | manbasini tahrirlash]Iqlimi
[tahrir | manbasini tahrirlash]Sano nam subtropik iqlimga ega (Köppen Cfa) boʻlib, yozi issiq va qishi qattiq qor yogʻishi bilan ajralib turadi. Sanoda oʻrtacha yillik harorat 14.5 °C (58.1 °F) ni tashkil etadi. Yillik oʻrtacha yogʻin miqdori 1,258.0 mm (49.53 in) boʻlib, eng seryogʻin oy iyul hisoblanadi. Avgustda eng yuqori harorat 26.3 °C (79.3 °F) atrofida va eng past harorati yanvarda, taxminan 3.2 °C (37.8 °F) boʻladi.
| Sano (1991−2020) iqlimi | |||||||||||||
|---|---|---|---|---|---|---|---|---|---|---|---|---|---|
| Koʻrsatkich | Yan | Fev | Mart | Apr | May | Iyun | Iyul | Avg | Sen | Okt | Noy | Dek | Yil |
| Mutlaq maksimal, °C | 20,0 | 23,1 | 26,6 | 31,2 | 35,7 | 38,4 | 39,2 | 39,8 | 37,1 | 34,3 | 25,1 | 25,2 | 39,8 |
| Oʻrtacha maksimal, °C | 9,4 | 10,3 | 13,7 | 19,3 | 24,0 | 26,6 | 30,1 | 31,5 | 27,5 | 21,9 | 16,5 | 11,6 | 20,2 |
| Oʻrtacha harorat, °C | 3,2 | 4,0 | 7,6 | 12,9 | 17,9 | 21,6 | 25,2 | 26,3 | 22,5 | 16,7 | 10,5 | 5,3 | 14,5 |
| Oʻrtacha minimal, °C | −2,5 | −1,8 | 1,6 | 6,8 | 12,3 | 17,4 | 21,4 | 22,3 | 18,6 | 12,3 | 5,2 | −0,2 | 9,5 |
| Mutlaq minimal, °C | −10,2 | −10,2 | −6,6 | −4,1 | 1,0 | 7,9 | 14,2 | 12,8 | 7,5 | 1,1 | −3,1 | −7 | −10,2 |
| Yogʻingarchilik meʼyori, mm | 35,1 | 33,4 | 69,4 | 90,5 | 114,8 | 145,2 | 185,0 | 162,2 | 176,5 | 160,6 | 57,8 | 31,0 | 1 258 |
| Manba: Yaponiya Meteorologiya Agentligi (O'rtacha: 1981-2010; Baland: 1978-hozirga qadar)[2][3] | |||||||||||||
Demografiyasi
[tahrir | manbasini tahrirlash]Yapon aholini roʻyxatga olish maʼlumotlariga koʻra[4], Sano shahri aholisi soni 1990-yilda eng yuqori choʻqqiga chiqqan va shu vaqtdan buyon ancha kamaygan.
| Yil | Aholi | ±% |
|---|---|---|
| 1920 | 89,102 | — |
| 1930 | 92,57 | +3.9% |
| 1940 | 95,52 | +3.2% |
| 1950 | 120,541 | +26.2% |
| 1960 | 118,046 | −2.1% |
| 1970 | 118,083 | +0.0% |
| 1980 | 124,331 | +5.3% |
| 1990 | 128,276 | +3.2% |
| 2000 | 125,671 | −2.0% |
| 2010 | 121,259 | −3.5% |
| 2020 | 116,228 | −4.1% |
Tarixi
[tahrir | manbasini tahrirlash]Edo davrida Sano qal’a shaharchasi va Sano domenidagi Daimyoning oʻrni boʻlgan. Meiji restavratsiyasidan soʻng, 1889-yil 1-aprelda zamonaviy munitsipalitetlar tizimini oʻrnatish bilan Tochigi, Aso tumanida Sano shahri yaratildi. Sano 1943-yil 1-aprelda qoʻshni Inubushi va Horigome shaharlari hamda Sakai va Hatagava qishloqlari bilan birlashgandan soʻng shahar maqomiga koʻtarildi. Shahar 1955-yil 1-yanvarda Inazuma qishlogʻini (Ashikaga tumanidan), 1955-yil 1-aprelda Akami shahrini (Aso tumanidan) oʻziga qoʻshib oldi.
2005-yil 28-fevralda Sano Kuzu va Tanuma shaharlarini (ikkalasi ham Aso tumanidan) oʻzlashtirdi.
Hukumat
[tahrir | manbasini tahrirlash]Sano toʻgʻridan-toʻgʻri saylanadigan mer va 26 aʼzodan iborat bir palatali shahar qonun chiqaruvchi organi boʻlgan mer-kengash boshqaruv shakliga ega. Sano shahrida Tochigi prefekturasi assambleyasiga uchta aʼzoni qoʻshish huquqi mavjud. Milliy siyosat nuqtai nazaridan, shahar Yaponiya Diet quyi palatasining Tochigi 5-okrugi tarkibiga kiradi.
Iqtisodiyoti
[tahrir | manbasini tahrirlash]Qishloq xoʻjaligi va yengil sanoat mahalliy iqtisodiyotning asosiy tarmoqlari boʻlib, Kanpyo, kurkuma va ismaloq yetishtirish asosiy qishloq xoʻjalik sohasi hisoblanadi. Shahar tobora qoʻshni Utsunomiya uchun yotoqxona shaharchaga aylanib bormoqda.
Taʼlim tizimi
[tahrir | manbasini tahrirlash]Sanoda shahrida shahar hukumati tomonidan boshqariladigan 26 ta davlat boshlangʻich maktabi va 11 ta davlat oʻrta maktabi faoliyat yuritadi. Shaharda Tochigi prefekturasi taʼlim kengashi tomonidan boshqariladigan uchta davlat yuqori maktabi mavjud. Prefekturada bitta oʻrta maktab ham bunyod etilgan. Shuningdek, uchta xususiy oʻrta maktab ishlaydi. Sano shahrida Sano kolleji kompusi joylashgan.
Sport
[tahrir | manbasini tahrirlash]Sano Yaponiya Kriket Assotsiatsiyasining bosh qarorgohi hisoblanadi va xalqaro jamoalar oʻrtasida bir qator kriket oʻyinlariga mezbonlik qildi. 2016-yil 22-martda Sano shahrida Sano xalqaro kriket maydonchasi ochilishi eʼlon qilindi, u Yaponiyaning birinchi maxsus kriket maydonchasi boʻlib, foydalanish uchun boshqa sport turlari bilan raqobatlashmaydi[5][6][7].
Transporti
[tahrir | manbasini tahrirlash]Temir yoʻl
[tahrir | manbasini tahrirlash]
- Sano
- Tajima — Sanoshi — Sano — Horigome — Yoshimizu — Tanuma — Tada — Kuzū
Magistral yoʻl
[tahrir | manbasini tahrirlash]- Tōhoku tezkor yoʻli — Sano-Fujioka almashinuvi, Sano Servis maydoni
- Kita-Kantō tezkor yoʻli — Izuruhara avtoturargohi, Sano-Tanuma almashinuvi
- Milliy yoʻnalish 50
- Milliy yoʻnalish 293
Avtobus
[tahrir | manbasini tahrirlash]Mahalliy diqqatga sazovor joylar
[tahrir | manbasini tahrirlash]- Shozo Tanakaning uyi
- Sano qal’asi xarobalari
Xalqaro munosabatlar
[tahrir | manbasini tahrirlash]Lancaster, Pennsilvaniya, AQSH[8]
Quzhou, Xitoy, friendship city since 1997[9]
Sanodan chiqqan taniqli odamlar
[tahrir | manbasini tahrirlash]- Shodzo Tanaka, siyosatchi, ijtimoiy faol
- Takuro Ishii, professional beysbolchi
- Tatsuya Ozeki, professional beysbolchi
- Shunsuke Ishikava, professional beysbolchi
- Kyogo Kavaguchi, qoʻshiqchi-qoʻshiq muallifi
Manbalar
[tahrir | manbasini tahrirlash]- ↑ „Sano City official Statistics“ (yaponcha).
- ↑ „平年値（年ごとの値）“. Yaponiya Meteorologiya Agentligi. Qaraldi: 2012-yil 10-avgust.
- ↑ „観測史上1～10位の値（年間を通じての値）“. Yaponiya Meteorologiya Agentligi. Qaraldi: 2012-yil 10-avgust.
- ↑ Sano population statistics
- ↑ „International Cricket Ground to be built in Japan“. Japan Cricket Association (23-mart 2016-yil). Qaraldi: 1-sentyabr 2018-yil.
- ↑ „JCA looking to build Japan's first international standard cricket ground“. The Japan Times (23-mart 2016-yil). 2018-yil 1-sentyabrda asl nusxadan arxivlangan. Qaraldi: 1-sentyabr 2018-yil.
- ↑ „Japan's international standard stadium gets green light“. www.cricketworld.com (23-mart 2016-yil). Qaraldi: 1-sentyabr 2018-yil.
- ↑ Wallace, Brian. „SDL scraps trip to Japan at request of Japanese officials concerned about the flu“. Intelligencer Journal (4-may 2009-yil). 27-yanvar 2013-yilda asl nusxadan arxivlangan. Qaraldi: 8-may 2009-yil.
- ↑ „QUZHOU traffic“. 2007-yil 12-iyulda asl nusxadan arxivlangan. Qaraldi: 20-sentyabr 2015-yil. Quzhou government information
Havolalar
[tahrir | manbasini tahrirlash]- Rasmiy veb -sayt (yaponcha)
| Asosiy shahar |  | |
|---|---|---|
| Shaharlar | ||
| Tumanlar | ||
