Boriy Haydarov

Boriy Azizovich Haydarov (1909.23.12 – Toshkent – 1986.21.5) – aktyor, dublyaj rejissyori. Oʻzbekistonda xizmat koʻrsatgan sanʼat arbobi (1969). Leningrad sahna sanʼati institutini tugatgan (1932). Faoliyatini „Oʻzbekkino“da boshlab (1928—29), soʻngra „Lenfilm“, „Oʻzbekfilm“, „Turkmanfilm“, „Tojikfilm“ studiyalari filmlarida aktyor sifatida qatnashgan. 1946-yildan „Oʻzbekfilm“da dublyaj rejissyori boʻlgan. „Mening Vatanim“, „Yer qoni“, „Um-bar“, „Volochayev kunlari“, „Azamat“, „Uning nomi Suxe-Bator“, „Oʻlim qudugʻi“, „Jarroh“, „Doʻstlar qayta uchrashadilar“ kabi filmlarda turli xarakterdagi rollar ijro etgan. „Razvedkachi jasorati“, „Qishloq oʻqituvchisi“, „Bir yilning toʻqqiz kuni“, „Tinch okar Don“, „Ona Hindiston“, „Ochilgan qoʻriq“ singari 250 dan ortiq filmning dublyaj rejissyori boʻlgan.^[1]

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin.

Shaxsiyat haqidagi ushbu maqola chaladir. Siz uni boyitib, Vikipediyaga yordam berishingiz mumkin. k m t