Vikilugʻat:Sahifalarni himoyalash qoidalari

Ushbu sahifa Vikilugʻat qoida va qoʻllanmalarining bir qismidir. Bu yerda keltirilgan qoidalarga har bir foydalanuvchi rioya qilishi shart. Tahrir qilishdan oldin kiritilayotgan oʻzgarishlar konsensusga muvofiqligiga ishonch hosil qiling. Qoidalarni sahifa munozarasida muhokama qilish mumkin.

Tanqidiy andozalarlarga quyidagilar kiradi:

• Koʻp sonli sahifalarda qoʻllaniladigan andozalar. Andozani oʻzgartirish nafaqat andoza sahifasini, balki unga ulangan barcha sahifalarni ham yangilaydi. Bu shuni anglatadiki, ushbu sahifalarning keshlangan versiyalari allaqachon eskirgan va Vikipediya serverlari har bir bogʻliq sahifani qayta ishlashi kerak, bu esa qoʻshimcha yuklama yaratadi.
• Oʻzgartirish bilan foydalaniladigan andozalar (subst: prefiksi bilan boshlangan andozalar). Notoʻgʻri oʻzgartirilgan andoza versiyasini qoʻllashni avtomatik ravishda bekor qilib boʻlmaydi.
• Boshqa andozalarning toʻgʻri ishlashi uchun foydalaniladigan texnik andozalar (masalan, {{!}}, {{ifsubst}}, {{pattern}}). Ularni notoʻgʻri oʻzgartirish oldindan aytib boʻlmaydigan oqibatlarga olib kelishi mumkin.
• Baʼzi maʼmuriy andozalar (masalan, {{delete}}). Ularni notoʻgʻri oʻzgartirish administratorning notoʻgʻri qaroriga olib kelishi mumkin.

Cheksiz va muddatsiz himoya quyidagi hollarda qoʻllanilishi mumkin:

• eng koʻp tashrif buyurilgan sahifalarni himoya qilish (masalan, bosh sahifani himoya qilish);
• Vikilugʻat logotiplarining yaxlitligini himoya qilish;
• matn litsenziyalari va mualliflik huquqlarini himoya qilish;
• tizim va xizmat sahifalarini himoya qilish;
• MediaWiki nomfazosida tez-tez foydalaniladigan sahifalarni himoya qilish;
• vandallar uchun jozibador sahifalarni (birinchi navbatda maqolalar, turkumlar, andozalar) himoya qilish;
• foydalanuvchi sahifalarini va foydalanuvchi munozaralarini (agar bu sahifalar tez-tez vandallikka uchrasa) himoya qilish.

Vaqtinchalik himoya quyidagi hollarda qoʻllanilishi mumkin:

• tahrirlar urushini toʻxtatib turish;
• chetlatilgan foydalanuvchilar tomonidan qayta-qayta buzib tashlangan yoki tahrirlangan maqola yoki rasmni himoya qilish;
• MediaWiki dasturiy taʼminotidagi mumkin boʻlgan xatolikni tekshirishda sahifani tahrirlardan himoya qilish.

Sahifani qisman himoya qilish faqat avtomatik tasdiqlangan foydalanuvchilarga sahifani tahrirlash imkonini beradi.

Bu vandallarning takroriy hujumlariga javoban administrator tomonidan qoʻllanilishi mumkin.

Roʻyxatdan oʻtmagan va yaqinda roʻyxatdan oʻtgan aʼzolar qisman himoyalangan sahifalarga {{editprotected}} andozasidan foydalangan holda munozara sahifasiga oʻzgartirish kiritish yoki bevosita administratorlar bilan bogʻlanish orqali soʻrashlari mumkin.

Alohida holatlarda hali yaratilmagan sahifalar himoyalangan boʻlishi mumkin. Bu holatlar: takroriy vandalizm;

• oʻchirilgan maqolalarni takroriy yaratish;
• xatolik bilan bir mavzuni bir necha marta yaratish;
• xatolik bilan yaratilish ehtimoli yuqoriligi.

Faqat administratorlar nomini oʻzgartirishdan himoyalangan sahifalar sarlavhalarini oʻzgartirishi mumkin. Ushbu turdagi himoya quyidagi hollarda qoʻllaniladi:

• vandallar tomonidan nomlarni zararli tarzda oʻzgartirish;
• bir nechta bahsli nomlarni oʻzgartirish;
• portal munozarasi sahifalari, oʻchirishlar, statuslar uchun soʻrovlar, maʼlumotnoma materiallari, qoidalar va yoʻriqnomalarni oʻz ichiga olgan sahifalar kabi loyiha sahifalari uchun doimiy nomlanishni taʼminlash.

Vikilugʻatning ayrim boʻlimlari MediaWiki dasturi yordamida doimiy himoyalangan. Shunday qilib, MediaWiki nomfazosidagi sayt koʻrinishini belgilovchi barcha sahifalar toʻliq himoyalangan. Hech kim, shu jumladan administratorlar ham, bu himoyani oʻzgartira olmaydi.

Tahrirlashdan himoya qilishni oʻrnatishda bir nechta cheklovlar mavjud:

• administrator maqolani yozishda yoki muhokama qilishda oʻzi ishtirok etgan boʻlsa, maqolani himoya qilmasligi kerak;
• maqolaning har qanday versiyasini himoya qilish, qoida tariqasida, ushbu maqolaning alohida versiyasini qoʻllab-quvvatlamasligi kerak;
• muloqot sahifalari, eng ekstremal vaziyatlardan tashqari, umuman himoyalanmasligi kerak.

Administrator boʻlmaganlar maxsus sahifada maʼlum sahifalarni himoya qilish boʻyicha takliflar berishi mumkin. Doimiy himoyalangan sahifalarni oʻzgartirish boʻyicha takliflar ham u yerda amalga oshiriladi va vaqtinchalik himoyani olib tashlash haqida eslatmalar eʼlon qilinadi.