Abdulla Yameen

Abdulla Yameen Addul Gayom (kari Dhivehi: އަބްދުﷲ ޔާމީން އަބްދުލް ގައްޔޫމް; kngkawas 1959 idas 5 diyax 21－), Maldives seyjicya, keyjay sweycya, kngkawas 2013 ngalan Soto Maldives dhuq kngkawas 2018 idas 11. Hiya u mnqmlahang 30 Maldives brah soto Maumoon Abdul Gayyoom na swayi.

Abdulla Yameen Addul Gayom mnuyas Berut Amirika Pyasan Tubeyhing kiya mi wada mangal Keyjay Qmlahang Sweys Sweywey, buykuy daw musa muyas Amirika Pyasan Tubeyhing Claremont Keyngkyo smluhay mi mangal Swos Sweywey. Abdulla Yameen Addul Gayom pa mniq kngkawas 2013 idas 11 diyax 16 na Maldives Soto seyngkyo tumn2 meytaq hyo cida wada sngtikuh balay hyo wada niya ini baka ka brah Soto, Mincu Tang hosweynjn Mohanmed Nasheed, wada mangal Soto Maldives, kiya mi so kusun daw wada psdhuwan phiyu qpahun Soto.

Kngkawas 2015 idas 9 diyax 28, 1 asu spidaw tnapa Abdulla Yameen Addul Gayom u mniq diyax 28 cida wada pspuruq, taxa kawci mpqlahang hiya ka rmngaw u, ini qluqah ka Soto, kiya u qridin Soto mi duma sediq mqpah seyhu u wada mangal tikuh luqah. Babaw niya daw, keysacu Maldives ka prading muda tyawca uuda niyi, kiya balay samatang pphuqil Soto ka pnspuruq ntxal uuda niyi. Idas 10 diyax 24, Huku Soto Ahmed Adib ka wada tyuwan dmudul uuda pphuqil Soto

niyi, kiya mi wada biqan cumi pspaux qnlhangan qrapan.     

Abdulla Yameen Addul Gayom mniq kngkawas 2018 Maldives Soto seyngkyo muda meysa mplutuc mangal Soto dungan, binaw wada ini baka Hantay Pay na Ibrahim Mohamed Solih. Kngkawas 2018 idas 9 diyax 24, Abdulla Yameen Addul Gayom u smruwa ini baka seyngkyo Soto.             

Kngkawas 2019 pnrdingan, Maldives Knbaraw Balay Keynsakwan tmiyu Abdulla Yameen Addul Gayom sminaw pila. Idas 11 diyax 28, Maldives Sings Hoying ka sndhu pswau balay bay cumi niya sminaw pila ka Abdulla Yameen Addul Gayom, wada pchun 5 knkawas niqan diyax iyax pnchuwan, basyo 500 knbkiyan pila Amirika. Hoying ka wada so niyi pswau, Abdulla Yameen Addul Gayom u wada niya pqriyun patas skuwan pila niya nanaq ka pila seyhu 100 knbkiyan pila Amirika, mqbling rmngaw pila kiya pa pila quri seyngkyo.