Mmadinare

Mmadinare ke motse o mopotlana o o fitlhwelwang mo kgaolong legare ya Botswana,o dikhilomethara di le lesome le botlhano go tswa Selibe Phikwe le dikhilomethara di sa fete 500 go tswa toropo kgolo. Motse o gola ka bonya go nna toropo, ka palo ya batho e ka nna 13 000 (estimates from the 2004 census)batho ba merafhe e e farologaneng go akaretsa Bangwato, Batalaote le babangwe fela jalo . Ka nako tsa 1800 motse o ne wa simolodisiwa ke batho ba merafhe e e farologaneng, golo gonwe go tswa Senyawe mo bokone botlhaba jwa lefatshe, Ba bangwe ba ne ba tswa kwa Aferika borwa mo Seleka. Ba ba neng ba tswa Senyawe ba ne ba thibelela fa tlase ga thaba Makome mme ba nna mo kgotleng tsa Kelele le Seboo.Go tsweng ka bagolwane ba motse le ba ditso ba ba tswang kwa Aferika borwa gompieno ba nna mo dikgotleng tsa Manga le Matabi fa thoko ga thaba ya Maretemagolo.

Banni ba Mmadinare ba tshela botshelo fela jo bo iketlileng fela thata ba rata ditso le ngwao ya bone ,ba rata go ja dijo tsa setso jaaka mabele ka jalo Mmadinare o tlhabologa o nna motse o mopotlana mme o sa lebale ditso tsa bone jaaka o rotloediwa ke toropo kgolo Selibe Phikwe go tlhabologa. Mmadinare ke motse o o fa gare ga dithaba; Jaaka metse e mengwe mo Aferika o o mo Borwa, o simologile gole dintwa mme dithaba di le di dirisiwa go itshireletsa mo go baba jaaka ba ne ba kgona go ba bona ba le kgakala.

Go na le ditlhabololo tse di setseng di bonala mo motseng jaaka dikago tsa sepodisepolice station,sekolo se se kgolwane secondary school le letamo la letsibogo, tse di tshwanetsweng ke go thusa go tokafatsa itsholelo ya motse wa Mmadinare le Selibe Phikwe, motse o o gaufi o banni ba motse ba bonang dilo tse dintsi tse ba di tlhokang thata dijo. Motse gape o na le bokgoni thata ba tsa bojanala le diphologolo tsa naga,jaaka go na le diphologolo tse dintsi tsa naga mo tikologolo segolo bogolo tlou e e tshwenyang batho thata ka dinako tsa leuba. Di a sasankega di senyetsa batho masimo le di tsa bone, nako tse dingwe matshelo a latlhega ka ntlha ya ditiragalo tsa mofuta oo. Mo go tsa boroko, boroko bo palo potlana ka ga go ise go tlhomiwe matlo a dijo le boetelo.Baeng ka bontsi ba bona boroko kwa Selibe Phikwe.

Motloutse ke noka e tona e e fetang mo bokone jwa motse,e e nosang noka ya Letsibogo metsi,fa e feta e ya kwa Shashe e lebile botlhabatsatsi.Noka e e kgaogantswe ka motlhaba ka lebaka la moepo wa motlhaba sand mining ke ba moepo wa kopore wa Selibe Phikwe.Kwa go tsewang motlhaba mo nokeng go tlhatswa kopore ya e e leng gone e epiwang. Nngwe ya ditiro e batho ba Mmadinare ba e itlhokomolodisitseng ke tiro ya go tshwara ditlhapi,jaaka go na le letamo gaufi mme ba sa le dirise go tswara ditlhapi ba di rekise go tokafatsa matshelo a bone. Motse o na le dikole tse dikgolwane dile pedi (Makome and Meremintsi) le se sengwe sa magare se segolwane.Go na le sepatele se sepotlana se le sengwe le kokelwana ele nngwe.Go na le mafelo a itloso bodutu a le mmalwa mo motseng a a akaretsang go itlhabisa phefo kwa letamong le mafelo a nnotagi a le mmalwa.Go na le tirelo ya mabelo e e tshwarwang ngwaga le ngwaga e e tshwarwang ka keresemose Christmas Day .Ke nngwe ya tse di okang baeng thata ka malatsi a keresemose.

Fa go sobokwa Mmadinare ke motse o mopotlana yo o ka itumelelwang go etelwa bogolo jang ka Sedimonthole,fa bana ba motse ba boile kwa ditoropong go tlhola batsadi ba bone.Jaaka banana ba berekela mo ditoropong jaaka Franstown le Gaborone City.